Монголын “The Hu” хамтлагийн “Wolf Totem” дуу "Billboard Chart"-ийн “Hot Rock Songs” жагсаалтад анх удаа багтлаа. Энэхүү дуу нь "Billboard Chart"-ийн 22 дугаар байрт жагсчээ. Мөн “Hard Rock Digital Song” төрлийн “Sales” буюу хард рок дууны дижитал борлуулалтын жагсаалтыг тэргүүлсэн байна. “The Hu” хамтлаг нь метал рок чиглэлээр уран бүтээлээ туурвидаг юм.
Монгол үндэсний хөгжмийг орчин үеийн рок жанртай хослуулсан “Хүннү рок” урсгалаар дуулдаг уг хамтлаг нь 2016 онд байгуулагдсан. Өдгөө “Yuve Yuve Yu”, “Wolf Totem” гэсэн хоёр дуутай. “Youtube” сувагт тус хамтлагийн “Yuve Yuve Yu” дуу нь 14 сая гаруй үзэлттэй байгаа бол "Wolf Totem" дуунь найман сая гаруй үзэлттэй байна. Хамтлагийн продюсер нь гавьяат жүжигчин, дуучин Б.Дашдондог билээ.
Тэдний тухай дэлгэрэнгүй мэдээлэл авахыг хүсвэл ЭНЭ холбоосоор хандана уу.
