УИХ-ын өчигдрийн нэгдсэн хуралдаанаар Захиргааны хэргийн тухай хууль батлагдсан. Тиймээс уг хуулийн үзэл баримтлалын талаар Хууль зүй, дотоод хэргийн сайд Ц.Нямдоржоос тодрууллаа.

Тэрбээр "Үндсэн хуулийн цэц шийдвэрээр Засгийн газрын шийдвэрийг Захиргааны шүүх хянахгүй гэдэг дүгнэлт гаргасан.

 Засгийн газрын гаргасан шийдвэрийг хянахгүй гэсэн томьёоллоор батлагдаж байгаа хууль. Бусад маргаантай асуудлыг Захиргааны шүүхээр шийдвэрлэгдэнэ" гэлээ. Түүнчлэн "Би шүүхийг шүүмжилж байгаа нь үнэн. Шүүмжлэх зүйлээ өөрсдөө хийж байна. Шүүх, хууль хяналтын байгууллага нэр төртэй байя гэвэл өөрсдөө хууль бус зүйл хийдгээ болох хэрэгтэй. Шүүхийг би томилдоггүй, Ерөнхийлөгч томилдог" гэсэн юм. 

Тэгвэл Засгийн газрын нэр бүхий нэг гишүүн иргэнээс 10 сая ам.долларын авилга авсан. Засгийн газрын хуралдаанаар уг сайдын асуудлыг хаалттай хэлэлцсэн тухай мэдээлэл бий. Энэ талаар Хуульзүй дотоод хэргийн сайд Ц.Нямдорж "Мэдэхгүй. Би л лав тийм зүйл сонсоогүй" гэв.

Р.Хишигжаргал