Өргөдлийн байнгын хорооны энэ долоо хоногийн хуралдаанаар түрээсийн орон сууцын асуудлыг хэлэлцсэн.
Энэ үеэр УИХ-ын гишүүн Б.Пүрэвдорж “ЖДҮ авдаг А.Сүхбат бол хамаатнаа яаж түрээсийн орон сууцанд оруулах талаар бодож байгаа. Надтай хэрүүл хийж болно. Зүгээр би тоо яръя. 22 мянган айлын орон сууцыг ТОСК ашиглалтад оруулсан. 2000-ыг нь түрээсээр ашиглуулах гэж байна. Тэр үед ямарч асуудал гарч УИХ руу орж байгаагүй. Харин өнөөдөр 1500-хан айлын орон сууц барьсан ТОСК 900-г нь хуваарилахдаа УИХ дээр хэрүүл хийгээд явж байна. Д.Тогтохсүрээн, чи Бүлгийн даргын хувьд Ардын намынхандаа ажил хий гэж зөвлө” гэсэн юм.
Үүний хариуд УИХ-ын гишүүн А.Сүхбат түүн рүү салаавч гаргасан. Тэгвэл олон нийтийн сүлжээ, хэвлэлээр А.Сүхбат гишүүнийг ёс зүйгүй хэмээн буруутгаад буй. Салаавч гаргах болсон шалтгааныг түүнээс тодруулахад “"Ам ажлын зөрүүртэй Ардын нам яг юу хийж байгаа юм бэ. Та нар юу ч хийгээгүй" гээд эх захгүй юм ярьж байсан. Би Ховд аймгийн ард иргэдийг хүндэтгэдэг. Тэд мэдээж Б.Пүрэвдоржийг сайн л гэж сонгосон байлгүй. Хувь Б.Пүрэвдорж гэдэг хүнийг МАНАН бүлэглэлийн утсан хүүхэлдэй юм даа гэж боддог” гэсэн тайлбарыг өглөө.
Р.Хишигээ
Сэтгэгдэл (55)