УИХ-ын гишүүн Г.Мөнхцэцэгийн санаачилгаар энэ сарын 13-19-ний өдрүүдэд Нью-Йорк хотноо орших Нэгдсэн Үндэстний Байгууллагын төв штабын байрнаа монгол ном, монгол бичгийн үзэсгэлэн гарчээ.

Ингэснээр монголчуудын өв уламжлал, бичиг номын соёлыг олон нийтэд таниулж ялангуяа, сонгодог монгол бичгийг Монгол улсын ард түмний оюуны өмч болохыг дэлхийн олон улс орны элчин сайд, дипломат төлөөлөгч нарт харуулсан ач холбогдолтой болжээ.

Уг арга хэмжээг НҮБ дахь Монгол Улсын Төлөөлөгчийн газар, Монголын үндэсний Номын сан, цуглуулагч хувь хүмүүс дэмжин, хамтран ажилласан байна.

Тухайлбал, Монгол Үндэсний Номын сангийн захирал Б.Ичинхорлоо тус номын сангийн бэлтгэл фондоос 1920-1930 онд монгол бичгээр хэвлэгдсэн сонин сэтгүүлийн дээжээс дэлгэсэн бол цуглуулагч Н.Баатар Монголын Нууц Товчоо, Гэсэр, Жангар зэрэг хувийнхаа цуглуулгаас сонирхуулсан байна.

CCTV.COM