ТЕГ-ын дарга асан, хошууч генерал Б.Хурц болон УЕП-ын орлогч прокурор асан Г.Эрдэнэбат нарын есөн иргэнд холбогдох шүүх хурал ирэх сарын 12-ныг хүртэл хойшилсон.

Эх сурвалжийн өгүүлснээр шүүгдэгчдийн нэг нь шүүх бүрэлдэхүүнээс татгалзсан учир шүүх хурлыг ийнхүү хойшлуулсан байна. Тэгвэл энэ талаар УЕП-ын орлогч прокурор асан Г.Эрдэнэбатаас тодруулахад "Би шүүх бүрэлдэхүүнээс татгалзаагүй. Хэрвээ буруутай бол, буруутай гэдэг нь тогтоогдвол хариуцлага хүлээхэд бэлэн.

Би С.Зоригийн амь насыг хөнөөсөн хэргийн мөрдөн шалгах ажлын хэсгийн ахлагчаар ажилласан.

Хуулийн дагуу гүйцэтгэх ажлын төлөвлөгөөнд гарын үсэг зурах ёстой. Гэтэл зарим хүмүүс гарын үсэг зурах ёсгүй мэтээр ярьж байна. Зурах ёстойг сайн мэдэж байгаа шүү дээ. Би буруутай бол хариуцлага хүлээхэд бэлэн" гэлээ.