Зургийг Б.Буяндалай

Улсын начин Ж.Ням-Эрдэнэ дөнгөж сая өөрийн цахим хаягаараа мэдээлэл хийлээ. Тэрбээр, “Баяр наадмын комиссоос түүний шинжилгээний хариуг утсаар мэдэгдсэн, сэргээшийн төрлийн ямар нэгэн бодис илрээгүй” хэмээн мэдэгдлээ. Сүлжээгүй газар байсан тул ингэж оройтож сэргээшийн шинжилгээний дүнгээ цахим хуудсаараа зарлаж байгаа ажээ. Ингэснээр шөвгөрсөн 16 бөхөөс 15 нь өөрийн цахим хуудсаараа дамжуулан өөрийгөө сэргээш хэрэглээгүй гэдгээ зарлалаа. Харин энэ 15 бөхийн 14 нь баяр наадмын комиссоос өөр рүү нь ярьж “Таны шинжилгээний хариунд сэргээшийн төрлийн бодис илэрсэнгүй” гэж хэлсэн хэмээсэн юм. Харин энэ жилийн баяр наадмаар шөвгөрсөн 16 бөхийн хоёрынх нь сэргээшийн шинжилгээнд хориотой бодис илэрсэн тухай мэдээлэл байгаа билээ.

А.Болд