Сонирхогчдын боксын олимп, ДАШТ-ийн хүрэл медальт, Азийн аварга, Азийн наадмын алтан медальт, гавьяат тамирчин Доржнямбуугийн Отгондалай мэргэжлийн бокст хөл тавихаар АНУ-ын Лос-Анжелес хотыг зорив.
Учир юу гэвэл, тэрбээр хорь гаруй хоногийн өмнө мэргэжлийн боксын дэлхийн аварга Н.Төгсцогтын гэрээ байгуулсан “Ten Goose Boxing Gym” клубт бэлтгэл хийж байгаа гэнэ. Д.Отгондалай мэргэжлийн рингэнд үлдэх эсэх нь өөрийнх нь хичээл зүтгэл, тус клубын промоутер Аль Хеймон болон дасгалжуулагч Жо Гуссен нараас ихээхэн шалтгаалах билээ. Гавьяат одоогоор гэрээ байгуулаагүй юм байна.
Б.Жаргал