Эстонийн Таллин хотод чөлөөт бөхийн Залуучуудын ДАШТ болж байна. Энэ тэмцээнээс Монгол охин медалийн тавцанд гарлаа гэсэн сайхан мэдээ ирлээ. Тэмцээний эмэгтэйчүүдийн 53 кг-ын жинд "Хилчин" спорт хорооны тамирчин Н.Анударь мөнгөн медаль хүртэж, төрийн далбаагаа Таллинд мандууллаа.
Н.Анударь мөнгөн медальд хүрэх замдаа эхний даваанд гоц мөргөж, дараа нь Казахстан, БНХАУ-ын бөхийг ялсан бөгөөд алтан медалийн төлөөх барилдаанд Японы бөх, дэлхийн аварга Харүна Окүнанд 7:2-оор дийлдсэнээр мөнгөн медаль хүртжээ. Энэ нь Монголын чөлөөт бөхийн тамирчдын Залуучуудын ДАШТ-ий 11 дэх медаль болж байна.
Б.Жаргал
Сэтгэгдэл (1)