Дорноговь аймгийн Замын-Үүд боомтоор 290 тонн буюу 4 вагон хөгцөрсөн цагаан будаа нэвтрүүлэхийг завджээ.

Уг цагаан будааг Монгол Улсын нэр бүхий компани Вьетнам улсаас импортолсон байна. Шалгалтаар тээвэрлэлтийн горим зөрчигдсөний улмаас чанар, аюулгүй байдал алдагдаж хөгцөрсөн байсныг мэргэжлийн хяналтын байгууллагаас илрүүлэн экспортлогч оронд нь буцаасан байна.

Өнгөрөгч зургадугаар болон долдугаар саруудад мөн энэ төрлийн зөрчлийг илрүүлж, будааг экспортлогч улсад буцааж байсан бөгөөд хамгийн сүүлд энэ сарын 05-ны өдөр 60 тонн будааг хилээр нэвтрүүлэлгүй буцаасан билээ.