Энэ долоо хоногт Тээврийн цагдаагийн алба нийт 1191 дуудлагыг хүлээн авснаас зам тээврийн ослын шинжтэй 795 дуудлага, мэдээллийг шалгалж шийдвэрлэжээ.

Бүртгэдсэн осол хэргийн улмаас нийслэлд 25 хүн гэмтэж, ноцтой зам тээврийн ослын улмаас нийслэлд нэг, орон нутагт дөрвөн хүний амь нас хохирсон байна.

Зам тээврийн ослын улмаас есөн хүүхэд гэмтэж, нэг хүүхдийн амь нас хохирсон байна. Гэмтсэн хүүхдүүд явган зорчигч хэлбэрээр хөдөлгөөнд оролцож гарцгүй газраар зам хөндлөн гарч байхдаа осолд оржээ.

Тухайлбал, энэ сарын 20-ны өдрийн 15.45 цагт Хэнтий аймгийн Баянхутаг сумын II баг “Цахиуртын ар” гэх газар Toyota Prius автомашины жолооч А нь Toyota Prius А жолоочтой автомашинтай мөргөлдөж зорчигч 50 настай, эрэгтэй Г нас баржээ.

Түүнчлэн энэ сарын 22-ны өдрийн 15.00 цагийн орчим Архангай аймгийн Тариат сум “Тэрхийн гүүр” гэх газар Toyota Prius автомашины жолооч Б нь явган зорчигч ой найман сартай эмэгтэй, Г-г  мөргөж амь насыг нь хохироосон байна.

Мөн алба хаагчдаас хийсэн хяналт шалгалтын үеэр согтуугаар тээврийн хэрэгсэл жолоодсон 132 жолоочийг илрүүлж, эрхгүй үедээ согтуугаар тээврийн хэрэгсэл жолоодсон 20 хүнийг шүүхээр баривчилж хуулийн дагуу хариуцлага тооцжээ. 

Сургууль, цэцэрлэгийн зуны амралт дуусаж нийслэл хотын тээврийн хэрэгслийн хөдөлгөөний эрчим ихсэж байгаа тул  эцэг, эх та бүхэн хүүхдээ тавих хараа хяналтаа сайжруулж, 10 хүртэлх насны хүүхдийг замын хөдөлгөөнд бие даан оролцуулахгүй байхыг ТЭЭВРИЙН ЦАГДААГИЙН АЛБА-аас анхааруулж байна.