Японы сүмо бөхийн их аварга Хакүхо М.Даваажаргал Монгол Улсын иргэншлээс татгалзах эсэх нь нийгэмд эргэлзээ үүсгээд байсан. Тэгвэл тэрбээр Ерөнхийлөгч Х.Баттулгад Монгол Улсын иргэншлээс татгалзах хүсэлтээ өнгөрсөн зургадугаар сард ёсчилсон юм.

Тэрбээр энэ тухайгаа "Монгол Улсын иргэншлээс татгалзаж, Япон улсын иргэн болох шийдвэр гаргасан нхь сүмо бөхийн карьераа үргэлжлүүлж, зодог тайлсан ч өөрийн гэсэн дэвжээгээ байгуулж, шавь нараа бэлтгэхийн тулд" гэж тайлбарласан. Учир нь японд сүмо бөхийн дэвжээ байгуулахын тулд заавал Япон улсын иргэн байх ёстой гэсэн Сүмо бөхийн холбооны дүрам байдаг юм байна.

Тэгвэл Хакүхогийн Япон улсын иргэн болох хүсэлтийг өнөөдөр буюу энэ сарын 3-ны өдөр японы талаас албан ёсоор хүлээж аван баталсан тухай тус улсын хэвлэл мэдээллийн хэрэгслээр мэдээлжээ. Өмнө нь АНУ-аас гаралтай хоёр их аварга Японы иргэншилтэй болж байсан бол Хакүхо М.Даваажаргал ийнхүү гурав дахь нь боллоо. 

Г.Алимаа