Нийслэлийн Газрын албанаас зохион байгуулж буй газар чөлөөлөх ажил үргэлжилж байна.

Тодруулбал, Хан-Уул дүүргийн 15 дугаар хороо, Туул гол гудамжид зөвшөөрөгдсөн хэмжээнээс илүү талбай хашаалсан буюу нийтийн эзэмшлийн талбай хашаалсан иргэн н.Ганбатын хашааг татуулж явган хүний зам талбайг чөлөөлсөн байна.

Мөн Баянгол дүүргийн 20 дугаар хороо, "Хархорин" худалдааны төвийн автобусны буудал дээр зөвшөөрөлгүй байршуулсан 16 ширхэг ТҮЦ, таван ширхэг контейнерийг албадан нүүлгэж нийтийн эзэмшлийн зам талбайг чөлөөлөхөөр ажиллаж байна.