Халхын голын байлдааны түүхэн ойн хүрээнд ОХУ-ын "Роснефть" компанийн найман сая еврогийн санхүүжилтээр Халх гол шинэ сум байгуулсан билээ. Энэ сарын 3-н буюу өнөөдөр шинэ сумын нээлт Дорнод аймагт болж байна. 

Бүтээн байгуулалтын ажлын хүрээнд Халхгол сумын Засаг даргын Тамгын газрын барилга, 250 хүний суудалтай соёлын төв, 20 ортой эмнэлэг, 650 хүүхдийн дунд сургууль, 150 хүүхдийн цэцэрлэг, 180 хүүхдийн дотуур байр, спорт заал зэрэг 11 байгууламж ашиглалтад оруулаад буй.

Энэ үеэр аймгийн тус Засаг дарга М.Бадамсүрэн “Ерөнхийлөгч Х.Баттулгын санаачилгаар ОХУ-ын Ерөнхийлөгч  В.В.Путин дэмжиж, Халх голын 80 жилийн ойн хүрээнд шинэ сумын төвийг барьж байгуулсанд Халх голчууд туйлын их баярлаж байна” гэлээ. 

Г.Эрдэнэ