1939 оны Халхын голын байлдаанд оролцож, эх орон, тусгаар тогтнолынхоо төлөө халуун амь, бүлээн цусаа үл хайрлан тэмцсэн ахмад дайчдаас өдгөө амьд сэрүүн байгаа 5 ахмад дайчдад Батлан хамгаалах яамнаас хүндэтгэл үзүүллээ.

Монгол Улс, ОХУ-ын ард иргэд Халхын голын байлдааны Ялалтын 80 жилийн ойг ёслол төгөлдөр тэмлдэглэн өнгөрүүлж байна. Бидний энх жаргалант амьдралыг авчирч өгсөн олон зуун цэрэг дайчдаас өдгөө амьд сэрүүн байгаа Г.Батмөнх, Ц.Чимэдцэрэн, Д.Шагдар, М.Аюурзана нарын дөрвөн буурлыг Батлан хамгаалахын дэд сайд Т.Дуламдорж, сайдын зөвлөлийн гишүүд хүлээн авч хүндэтгэл үзүүлэн 80 жилийн ойн медаль, мөнгөн шагналыг гардуулан баяр хүргэлээ.

Эдгээр ахмад дайчид Халхын голын дайнд эмч, сувилагч гээд ар талын чухал үүргүүдийг гүйцэтгэж байсан аж. Тэдний хамгийн өндөр настай нь 105 настай В.Аюурзана гуай. Тэрбээр Халхын голын дайнд ар тал хангалт үйлчилгээний машин техникийн бүрэн бүтэн байдлыг хангах албанд зүтгэж байсан агаад 1945 оны чөлөөлөх дайнд мөн оролцож явсан дайчин юм.