УИХ-ын чуулганы хуралдаанаар Үндсэн хуульд нэмэлт, өөрчлөлт оруулахаар хэлэлцэж буй. Чуулганы хуралдааны үеэр УИХ-ын гишүүн О.Баасанхүү "Үндсэн хууль зөрчөөгүй бол, мэргэжлийн хороо нь дэмжсэн бол шүүгчийг томилох үүрэгтэй. Гэтэл Ерөнхийлөгч Х.Баттулга юу мэдэж, ойлгож буцаах гээд байгаа юм бэ. Би үүнийг дургүйцэж, эсэргүүцэж байна. Би та нар шиг төмсөгдүүлээгүй учраас шууд хэлчихье. Ний нуугүй хэлэхэд МАН-ынхан маш эмзэг байдалтай байгаа. Үүнийгээ ойлгох хэрэгтэй. Ялангуяа шүүх засаглалтай холбоотой заалтыг ашиг сонирхолын зөрчилтэй хүмүүс өөрчлөх нь маш буруу. Энэ бол маш том асуудал.

Би У.Хүрэлсүх шиг Ерөнхийлөгч Х.Баттулгад төмсөгдүүлээгүй шүү.

Ерөнхий сайд аймшигтайгаар барьцаалагдсан. Аймшигтайгаар шүү. Бичлэг энэ тэр хийгдсэн нь үнэн үү. Ямар ч тайлбар алга. Ийм Ерөнхий сайд бүхэл бүтэн нэг намыг толгойлж, шүүх засаглалыг өөрчлөх гэж байна. За яах вэ, 10 жил, 20 жил ноён сууж болно. Эцэстээ хуульд гүйцэгдэнэ шүү. Хууль хамгийн түрүүнд хулгайч нарыг хөөж гүйцэнэ дээ. Улам л барьцаалагдана, хулгайлагдана. Сайнаар ярьвал хулгайн мөнгөөр баяжих байх. Муугаар ярих юм бол хулгайлагдсан зарчмаараа бүтэн нойртой хонохгүй байх. Тиймээс шүүх засаглалыг хараат бус, бие даасан байдалтай байлгаж чадвал тайван амьдарч чадна. Хулгай хийгээгүй хүмүүсийг хэлж байна шүү. ШЕЗ, Сахилгын хороог шүүх засаглалаас тусдаа гаргаж болохгүй шүү" гэлээ.