Улаанбаатар
Өнөөдөр / 2026.11.17
Өдөртөө
Шөнөдөө
ХАЙЛТ ХИЙХ
Эхлэл
Улс төр
Эдийн засаг
Нийгэм
Дэлхий
24 баримт
24 фото
COP17
Спорт
Видео
Сошиал мэдээ
  • Эхлэл
  • Улс төр
  • Эдийн засаг
  • Нийгэм
  • Дэлхий
  • 24 баримт
  • 24 фото
  • COP17
  • Спорт
  • Видео
  • Сошиал мэдээ

Габриел Гарсиа Маркес-"Цэнхэр нохойн нүд"

2019-9-08
0
ЖИРГЭХ

Тэгээд бүсгүй намайг ширтэв. Яг л анх удаагаа харж байгаа юм шиг. Гэвч ард минь, чийдэнгийн цаагуур эргэж буй энэ бүсгүйн гилтэгнэсэн төрхийг мэдрэхдээ, би түүнийг анх удаа харж буйгаа ойлгосон юм. Би тамхи асаалаа. Сандлын нэг хөл дээр тэнцвэрээ олон тухалж авахаасаа өмнө тамхиа шуналтайгаар, удаан гэгч соров. Үдэш бүр чийдэнгийн хажуунаас намайг ийнхүү аждаг мэт тэр зогсоно. Чимээгүйхэн биенээ ширтсээр хэдэн хором өнгөрлөө. Сандлынхаа ганц хөл дээр тэнцвэрээ олон суух би, урт нарийхан гараа чийдэн дээр тавин зогсох тэр. Бүсгүйн гэрэл татуулсан зовхийг хараад “Цэнхэр нохойн нүд” гэж хэлдэг минь бүр дасал болчихсон мэт санагдана.
Чийдэн дээрээс гараа авалгүйгээр тэр:
“Үүнийг, бид хэзээ ч мартахгүй ээ” гэж хэлээд санаа алдаж,    “Цэнхэр нохойн нүд. Би энэ үгийг хаа сайгүй бичсэн” гэв.
 
Тэр босоо толь руу алхав. Дугуй толинд туссан дүр нь намайг ширтэх аж. Ягаан сувдаар бүрсэн бяцхан хайрцгийг онгойлгохдоо ч дүрэлзсэн халуун харцаар намайг цоргисоор байлаа. Тэр хамартаа энгэсэг түрхэж байна. Энгэсэгдэж дуусаад хайрцгаа хаан, босч чийдэнгийн дэргэд очоод: “Хэн нэг нь энэ өрөөг зүүдэлж, нууцыг минь мэдчих вий гэхээс би айж байна” гэв.
Бүсгүй урт туяхан гараа чийдэнгийн илчинд дулаацуулна.
“Чи даардаггүй байх аа” гэхэд нь би: “Заримдаа л…” хэмээн хариулав.
“Чи яг одоо мэдрэх хэрэгтэй” хэмээн бүсгүй зөвлөв.
Би яагаад ганцаараа сандал дээр сууж чаддаггүйгээ тэгэхэд л ойлгосон юм. Зөвхөн хүйтэн л намайг ганцаардуулаад байдаг юм байна шүү дээ.    “Би мэдэрч байна. Харин шөнө ийм нам гүм байгаа нь хачин санагдаж байна. Бороо татарчихсан болоод тэр байх л даа”.
Тэр хариу хэлсэнгүй. Дараа нь түүнийг толь руу алхахад би сандлаа эргүүлж, бүсгүй рүү нуруугаа харуулан суув. Түүнийг харалгүйгээр, юу хийж буйг нь би мэдэрч байлаа. Толины өмнө гар нь эвлэгхэн хөдөлж, уруулаа хүрэн улаанаар будаж дуусах хүртлээ энэ шидэт шилний гүнд тусч үзэгдэх ар нурууг минь ширтсээр буй нь мэдрэгдэнэ. Харин би хоосон хана руу ширтэж суухдаа, хэрэв энд толь өлгөөтэй байсан бол тэр альхан хавьд харагдах байсныг төсөөлөв.
“Би чамайг харж байна” гэж бүсгүйд хэллээ.
Толиных нь гүнд, хана ширтэн суугаа намайг харах гэж харцаа хэрхэн өргөхийг би хананаас үзэв. Тэгснээ буцаад л хөхний даруулгаа ширтэн харц буруулж, үг дуугаралгүй суухыг нь ч харлаа.
“Би чамайг харж байна” хэмээн дахин нэг хэлэв.
Одоо тэр хөхний даруулгаа биш намайг ширтэнэ.
“Тийм байх боломжгүй!” гэхэд нь би яагаад гэдгийг асуув.
Тэр хөхний даруулгаа ширтсэн хэвээр: “Яагаад гэвэл чи хана руу харж байна” гэлээ.
Би сандлаа эргүүлж, амандаа тамхи зуув. Намайг толь руу харж байхад тэр чийдэнгийн хажууд оччихсон байлаа. Одоо тэр гараа яг л тахианы далавч мэт дэлгэчихээд чийдэнгийн илчинд ээхэд сүүдэр нь нүүрээ халхална.
“Би ханиад хүрэх гэж байх шиг байна. Энэ ер нь мөсөөр бүтээсэн хот байх аа” хэмээн бүсгүй хэлэв.
Зэсэн шаргал байснаа улаан болж хувирах өөрийнхөө арьсыг хараад тэр гэнэт гунигтай болчихов.
“Ямар нэг арга хэмжээ авах хэрэгтэй” гэж тэр хэлээд хөхний даруулгаасаа эхлэн хувцсаа нэг нэгээр нь тайлж эхэллээ.
“Би хана руу харж байя” гэхэд, тэр: “Үгүй ээ, чи цаашаа эргэсэн ч намайг харна шүү дээ” гэлээ.
Удалгүй тэр бараг л чармай нүцгэн болоход, зэсэн шаргал арьс нь чийдэнгийн илчинд гялалзана.
“Яг л цохиулж гэмтсэн юм шиг гүн хонхорхой дүүрэн энэ л хэвлийг чинь би үргэлж харахыг хүсдэг байсан”.
Түүний нүцгэн төрхний өмнө үг хэлж чадалгүй түгдрэн байтал бүсгүй чийдэнгийн бөмбөлөгт гараа ээн:
“Заримдаа би өөрийгөө төмрөөр хийгдсэн байх гэж боддог” гэв.
Тэгээд хэсэг зуур чимээгүй болов.  Гар нь чийдэнгийн бөмбөлөг дээгүүр алгуур хөдөлнө.
“Заримдаа, өөр зүүдэндээ би чамайг музейн нэг буланд байгаа бяцхан хүрэл хөшөө юм уу гэж боддог. Чи даараад байдгийн учир нь тэр ч байж мэдэх юм” гэтэл,
“Заримдаа, унтаж байхад бие минь хөндий хоосон болж, арьс минь хавтгай юм шиг шиг санагдахыг мэдэрдэг. Гэдсэн дотроос хэн нэгэн тогших шиг судсан дундуур цус булгилахад, өөрийнхөө зэс шиг жингэнэх чимээг мэдэрдэг. Юу ч гэмээр юм, цувимал металл шиг л…” гэв.
Тэр чийдэнд улам ойртлоо.
“Би чиний хоолойг сонсох дуртай” гэж би хэлэв.
Харин тэр: “Хэзээ нэгтээ бид биенээ олбол, чи намайг зүүн талаараа унтаж үед хавирган дээр минь чихээ тавьж чагнаарай. Цуурайтахыг чи сонсох болно. Хааяа үүнийг сонсож байгаасай гэж би дандаа хүсдэг.”
Тэр ярьж байгаа шигээ хүчтэй амьсгалах нь сонсогдоно. Сүүлийн хэдэн жилийн турш тэр нэг л янзаараа амьдарч буй ажээ. Түүний амьдралын зорилго “Цэнхэр нохойн нүд” гэсэн энэ үгээр дамжиж, бодит ертөнцөд намайг олох болон хувирсан байна.
“Би шөнө бүр зүүдэнд чинь ирж ‘Цэнхэр нохойн нүд’ гэж хэлдэг залуу байна” хэмээн хэлэх хэн нэгнийг хайж, гудамжинд алхахдаа ч энэ үгийг чанга дуудаж явах болж.
Хэрэв зоогийн газар орвол, захиалга өгөхөөсөө урьтаж, “Цэнхэр нохойн нүд” хэмээн зөөгч эрд хэлээд үзнэ. Гэвч өнөөх нь зүүдэндээ ийм үг хэлж байснаа огт санахгүй байгаа мэт мэхийн ёсолно. Тэгэхээр нь амны алчуур дээр нөгөө үгээ бичиж, бүр ширээн дээр хутгаар сийлж орхидог гэнэ. Зочид буудлууд, зогсоолууд, түм бужигнасан барилгуудын цантсан цонхон дээр тэр долоовор хуруугаараа “Цэнхэр нохойн нүд” гэсэн энэ л үгийг бичиж явна. Нэг удаа тэр эмийн санд ортол, намайг зүүдэлсний дараа өрөөнөөс нь ханхалсантай адилхан үнэр мэдрэх шиг болжээ.
“Тэр ойрхон байгаа байх” гэж бодоод эмийн сангийн дөрвөлжин хээтэй, шинэхэн шалыг ажиглав.
Дараа нь эмийн санч дээр очин:
“Надад ‘Цэнхэр нохойн нүд’ гэж хэлдэг нэг хүнийг би үргэлж зүүдэлдэг” гэвэл, эмийн санч түүний нүд рүү их л хянамгай ширтээд:
“Үнэндээ хатагтай, та яг тийм харцтай юм байна” гэжээ.
“Би түүнийг олох хэрэгтэй байна” гэвэл эмийн санч тэсгэлгүй инээд алдаад, лангууныхаа нөгөө тал руу явчихжээ.
Цэвэрхэн шалыг ажиглаж, өвөрмөц үнэрээр амьсгалсаар байв. Дараа нь бүсгүй цүнхнээсээ хүрэн улаан уруулын будгаа гаргаад шалан дээр “Цэнхэр нохойн нүд” гээд биччихэв.
Энэ үед эмийн санч хүрч ирээд:
“Хатагтай, та шал заваартуулчихлаа” гэж хэлээд нойтон даавуу өгч
“Үүнийгээ цэвэрлэ” гэв.
Тэр үдээс хойшжингоо дөрвөн хөллөөд шал цэвэрлэж, хүмүүс үүдэн дээр шавж, түүнийг галзуурчихаж гэж хэлэх хүртэл нь амандаа “Цэнхэр нохойн нүд” гэдэг үгийг бувтнасаар байсан хэмээн чийдэнгийн хажууд зогсож буй тэр ярив.
 
Түүнийг ярьж дуусах үед би өрөөний булан дахь сандал дээрээ суусан хэвээр байлаа.
“Энэ үгийг би өдөр бүр санах гэж оролддог. Сэрсэн хойноо, чамайг таниулах энэ үгийг би үргэлж мартчихдаг байсан даа. Харин одоо бол, би маргааш өглөө мартахгүй сэрэх болно оо”.
Харин тэр: “Анх тааралдсан өдрөө л чи энэ үгийг зохиосон шүү дээ” гэлээ.
“Үнсэн саарал нүдийг чинь хараад л энэ үг ороод ирсэн. Гэвч унтаж сэрээд ганц ч удаа санаж байсангүй” хэмээн намайг хэлэхэд, бүсгүй чийдэнгийн ард гараа үрчин, уртаар санаа алдаад:
“Миний бичсэн бүхэн аль хотод байгааг чи ядаж санадаг сан бол” гэв.
 
Чийдэнгийн гэрэлд гялтганаж байсан шүд нь уруулынхаа цаана нуугдав.
“Би чамд хүрмээр байна” хэмээн намайг дуугарахад, бүсгүй гэрлээс харцаа салгаж, дээш өндийлөө. Яг л гар шигээ, яг л өөр шигээ тийм халуун, дүрэлзсэн харц булангийн сандал дээр ганхан суух намайг ширтэх нь мэдрэгдэнэ.
“Чи хэзээ ч надад ийм үг хэлж байгаагүй юм байна” гэж тэр хэлэв.
“Одоо бол үнэнээсээ хэлж байна” гэж би хариуллаа.
Тэр тамхи асуув. Хуруундаа хавчуулсан тамхины иш минь алга болчихжээ. Би тамхи татаж байснаа мартчихсан байлаа.
“Би энэ үгийг хаана бичсэнээ яагаад санахгүй байгаагаа ойлгохгүй байна” хэмээн бүсгүй хэлэхэд, би:
“Яг л адилхан ийм шалтгаанаар, маргааш би чиний үгийг санахгүй байх” гэхэд тэр гунигтайгаар: “Үгүй ээ, заримдаа тэр ч бас зүүд байсан юм шиг санагддаг” гэлээ.
Би босоод чийдэн рүү алхлаа. Гартаа тамхи, шүдэнз барьсаар түүн рүү дөхөж байна. Түүнд тамхиа сарвайлаа. Бүсгүй уруулаараа тамхийг хазаад асааж өгсөн шүдэнзэнд минь ойртуулав.
“Энэ дэлхийн аль нэг хотын бүх ханан дээр “Цэнхэр нохойн нүд” гэсэн үгс байгаа. Хэрэв би маргааш үүнийг санавал, чамайг олж чадна” гэж би хэллээ.
Тэр дахин толгойгоо өндийхөд уруулын нь завсар цог гялалзана.
“Цэнхэр нохойн нүд” хэмээн тэр хэлээд санаа алдав. Дараа нь хуруун завсар хавчуулсан янжуураа сорсноо гэнэт уулга алдан:
“Энэ л байсан байна шүү дээ, би одоо дулаацаж байна” гэлээ.
Тэр жинхэнээсээ бол хэлээгүй мэт, гэвч хэрэв энэ үгийг цаасан дээр бичсэн бол, намайг чийдэнд ойртонгоо “би дулаацаж…” хэмээн уншихад бүсгүй цаасыг авч эргүүлж тойруулж харснаа “…байна” гэдэг үгийг хэдийн уншчихсан мэт, базаад шал руу чулуудахад тэр хуудас цаас үнс болон бутарч, аажимхан замхрах шиг тийм хайнгадуу хэлэв.
“Тэгвэл сайн л байна. Заримдаа чамайг чийдэнгийн хажууд чичирч зогсохыг харах надад хэцүү байдаг” гэж би хэллээ.
 
Бид танилцаад нилээд хэдэн жил өнгөрчээ. Заримдаа гадаа хэн нэг нь халбага унагаад биднийг сэрээчихнэ. Бидний нөхөрлөл хамгийн энгийн зүйлсэд хүртэл захирагддагийг бид бага багаар ойлгож эхэлсэн юм. Бидний уулзалт дандаа л өглөө эрт хэн нэг нь халбага унагаснаар төгсөнө.
 
Яг одоо чийдэнгийн хажуунаас тэр намайг ширтэж байна. Сандлын нэг хөл дээр суугаад үнс шиг нүдтэй үл таних бүсгүйг ширтэн суудаг зүүдэнд минь тэр үргэлж л намайг ингэж ширтдэг юм. Ийм зүүдний нэгэнд би түүнээс
“Чамайг хэн гэдэг вэ?” хэмээн асуухад тэр:
“Би санахгүй байна” гэж хариулсан юм.
“Бид өмнө нь уулзаж байсан юм шиг санагдах юм” гэхэд бүсгүй үл тоосон шинжтэй:
“Би чамайг нэг удаа зүүдэлсэн санагдаж байна, яг л иймэрхүү өрөөнд” гэв. Би түүнд:
“Тийм байна. Би одоо санаж эхэлж байна” гэхэд тэр:
“Хачин юм. Бид өөр зүүдэндээ ч бас уулзсан нь тодорхой байна шүү” гэлээ.
 
Тэр тамхинаасаа дахин хоёр соров. Харин би нөгөө л янзаараа чийдэн рүү харан, бүсгүйг ширтэн зогсоно. Түүнийг дээрээс доош ажиглахад арьс нь зэсэн өнгөтэй харагдана. Хатуу, хүйтэн металл биш, шаргал, уян зөөлөн зэс шиг харагдана.
“Би чамд хүрмээр байна” гэхэд тэр:
“Чи энэ бүхнийг сүйрүүлэх гээ юү?” гэв.
“Одоо энэ чухал биш ээ. Бид дахин уулзахын тулд дэрээ эргүүлэхэд л болно” гэж хэлээд түүн рүү гараа сунгав.
Тэр хөдөлсөнгүй. Намайг түүнд хүрэхээс өмнө
“Чи энэ бүхнийг сүйрүүлэх гээ юү?” хэмээн тэр дахин хэллээ.
“Чи чийдэнгийн энэ талд гарчихвал, бид хэн ч мэдэхгүй тийм газар сэрчих вий гэхээс айж байна”.
“Одоо энэ чухал биш ээ” хэмээн би өөрийнхөөрөө зүтгэсээр байлаа.
“Бид дэрээ эргүүлбэл дахин уулзах л байх. Даанч чи сэрээд бүхнийг мартах болно” хэмээн бүсгүй хэллээ.
Би буцаад булан руугаа алхав. Харин тэр миний ард, чийдэнгийн илчинд гараа ээсээр хоцорлоо. Сандалдаа хүрч очихоос өмнө ард минь:
“Шөнө дунд би гэнэт сэрээд, дэрний ирмэг хөлийг минь халуу оргиултал орондоо хөрвөөж, үүр цайтал ‘Цэнхэр нохойн нүд’ хэмээн шивнэсээр л байдаг” гэсэн түүний үгс сонсогдов.
 
Би дахиад л хана ширтэн суув. Эргэж харалгүйгээр:
“Үүр цайж байна” хэмээн хэлэв.
“Цаг хоёр цохиход би сэрэх болно. Буцаж энд иртлээ их л удах байх даа”.
Би хаалга руу явлаа. Хонхон дээр дөнгөж гараа тавьтал:
“Наад хаалга битгий нээ! Хонгил чинь ээдрээтэй зүүдээр дүүрэн” гэх түүний дуу гарав.
“Чи яаж үүнийг мэдэж байгаа юм?” гэвэл тэр:
“Би түрүүхэн тэнд байсан юм. Би унтаж байгаагаа мэдээд буцаад хүрээд ирсэн юм” гэлээ.
Би хаалгыг хагас онгойлголоо. Дахиад жаахан урагшилтал өвс болоод чийглэг хөрсний цэвэр үнэр анхилав. Бүсгүй дахин үг хэллээ. Хаалганы онгорхойгоор гадагш цухуйнгаа би эргэж хараад:
“Энд ямар ч хонгил алга аа. Хөдөө тал үнэртэж байна” гэв. Бүсгүй тэндээс:
“Би наадхыг чинь чамаас илүү мэднэ. Наана чинь нэг бүсгүй хөдөө нутгийг зүүдэлж байгаа учраас л тэр” гэв.
Тэр чийдэнгийн илчинд гараа дулаацуулсан хэвээр, цааш нь:
“Тэр бол үргэлж хөдөө амьдрахыг хүсдэг ч хотоо орхиж чаддаггүй бүсгүй” гэлээ.
Тэр бүсгүйг би урьд нь зүүдэлж байсан мэт санагдана. Хаалганы завсраар хараад, хагас цагийн дараа өглөөний цай уухаар доош буух ёстой юм байна гэдгээ мэдэв.
“Юу ч боллоо гэсэн, би сэрэхийн тулд эндээс явах хэрэгтэй болох нь” хэмээн түүнд хэллээ.
 
Гадаа салхи исгэрснээ, нам гүм болж, дөнгөж саяхан орон дээрээ хөрвөөсөн хэн нэгний нойрсох дуу сонсдоно. Салхи түр амсхийв. Үнэр ч алга болчихов.
“Маргааш, ханан дээр ‘Цэнхэр нохойн нүд’ гэж бичиж байгаа бүсгүйг олж хараад би чамайг таних болноо” гэв.
Харин тэр хүршгүй, боломжгүйн өмнө бууж өгсөн мэт гунигтай инээмсэглээд:
“Чи өдөр нь юу ч санахгүй дээ” гэлээ.
“Чи бол сэрснийхээ дараа зүүдээ санадаггүй цорын ганц хүн шүү дээ” гэж хэлээд чийдэнгийн гэрлийг гараараа таглахад харанхуйд бүсгүй үзэгдэхгүй болов. 

 
Англи хэлнээс орчуулсан: Нацагдоржийн Энхбаяр

0
ЖИРГЭХ
Санал болгох
Grammy Awards 2027: Нэр дэвшигчдийн БҮРЭН жагсаалт
Роберт Паттинсон дараагийн Жеймс Бондын дүрийг бүтээнэ
Өөрийн барааг худалдаж авахыг хориглодог Өмнөд Солонгос наймаачин эр
ФАКТ: Г.Дамдинням сайдын барьсан "iPhone Duo" гар утас дунджаар 10 сая төгрөгний үнэтэй
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.
  • Шинэ
  • Их уншсан
  • Их сэтгэгдэлтэй
  • 2026 оны өвлийн монгол хэл бичгийн болон элсэлтийн шалгалтын бүртгэл энэ сарын 23-нд дуусна
    5 цаг 17 мин
  • Улс хоорондын шуудан илгээмжийн нийт бараа эргэлт 40.5 хувиар өсжээ
    5 цаг 25 мин
  • “Онцгой хотхон”-ы 512 айлын орон сууцны барилга угсралтын ажлыг шуурхайлахыг үүрэг болголоо
    5 цаг 34 мин
  • Их зохиолч Д.Нацагдоржийн мэндэлсний 120 жилийн ой өнөөдөр тохиож байна
    6 цаг 22 мин
  • Эрдэнэбүрэнгийн усан цахилгаан станцын бүсээс эртний чулуун хайрцагтай булш илэрчээ
    6 цаг 27 мин
  • Өвөрхангай аймгийн Засаг даргаар Т.Жамбалцэрэнг томилжээ
    6 цаг 38 мин
  • О.Батжаргал: Төрөө дээдэлдэг ард түмний хувьд төрийн тэргүүний ажил ариун байх ёстой, сэвтээж таарахгүй
    7 цаг 31 мин
  • Азийн Испорт болон оюуны анхдугаар наадам 2027 оны арваннэгдүгээр сард болно
    7 цаг 53 мин
  • Я.Содбаатар: 2019, 2020 оны намын санхүүжилтэд хөндлөнгийн аудит оруулна
    7 цаг 56 мин
  • Өнөөдөр "Олон улсын оюутны эрхийг хамгаалах өдөр"
    8 цаг 10 мин
  • Ц.Ганзориг: Ерөнхийлөгч гүжир гүтгэлэгт нэр төрөө сэргээлгэх хуулиар олгогдсон бүрэн эрхийнхээ хүрээнд өөрөө шийдвэрээ гаргасан
    8 цаг 20 мин
  • Н.Учрал: Эх хэл бол үндэстний оюун санааны дархлаа, тусгаар тогтнолын баталгаа юм
    8 цаг 22 мин
  • “Pizza Hut” сүлжээ рестораныг үүсгэн байгуулагч Дэн Карни таалал төгслөө
    8 цаг 27 мин
  • Улаанбурхан өвчний дэгдэлтийг таслан зогсоолоо
    8 цаг 39 мин
  • Grammy Awards 2027: Нэр дэвшигчдийн БҮРЭН жагсаалт
    8 цаг 40 мин
  • Роберт Паттинсон дараагийн Жеймс Бондын дүрийг бүтээнэ
    8 цаг 55 мин
  • Л.Мөнхбаясгалан: У.Хүрэлсүхийг яс шалгаж ард түмэнд мэдээлэх хэрэгтэй
    8 цаг 59 мин
  • Х.Нямбаатар: Тайвширч, хууртаж болохгүй. Түүнд маш олон арга заль бий
    8 цаг 59 мин
  • Дархан аваргыг гурвантаа хаясан Сумын заан П.Нямжав
    9 цаг 12 мин
  • Н.Алтанхуяг: Монголын төр шударга, ариун байх ёстой. Огцорлоо гээд асуудлыг орхиж болохгүй
    9 цаг 16 мин
  • Яруугийн уугуул Яруухан гарьд М.Лхагвагэрэлийн тухай сонирхолтой 24 баримт
  • Г.Тэмүүлэн: Хүний эрх, эрх чөлөөг хамгаалахад төсөв мөнгө харамлах шаардлаггүй
  • Хайрын дууч С.Сэрчмаагийн тухай 24 баримт
  • Б.Орхонбаярт амлуулсан О.Хангай аварга яагаад өөрөөсөө бага цолтой М.Лхагвагэрэл гарьдын ард гарав?
  • Л.Батлут: Улс эх орны эрх ашгаас илүү албан тушаал гэж үгүй
  • 24 БАРИМТ: Дэлхий дээрх бидний анзаардаггүй "этгээд" баримтууд
  • Өнөөдөр төв болон зүүн аймгуудын нутгаар нойтон цас орж, шуурна
  • Этгээд хоригтой 24 улс
  • Б.Баяраа: Хүчин төгөлдөр бус хуулийг шүүх хэрэгжүүлсээр байна
  • Бөхчүүдийн улирлын чансааг Улсын аварга О.Хангай хол тасархай тэргүүлж, Улсын арслан Ц.Бямба-Отгон удаалж байна
  • Ойрын 10 хоногийн цаг агаарын урьдчилсан ТӨЛӨВ
  • З.Мэндсайхан: 2027 оны төсөв иргэдийнхээ орлогыг хамгаална
  • МУГТ Т.Тулга, Л.Энхрийлэн нар дэлхийн чансааг ТЭРГҮҮЛЖ байна
  • FIBA 3x3 AmeriCup 2026 тэмцээний тойм
  • Нийслэлийн 8 дүүрэгт томуу, томуу төст өвчний үзлэг, оношилгоо, эмчилгээний 21 цэг ажиллаж байна
  • Дохио!!! Цаг агаарын аюултай үзэгдлээс сэрэмжлүүлж байна
  • Жүдо бөхийн залуучуудын ДАШТ энэ сарын 19-нд эхэлнэ
  • ОХУ-ын талд тагнуул хийсэн гэх сэжгээр АНУ-ын армийн алба хаагчийг Их Британид баривчилжээ
  • Өвөлжилтийн бэлтгэл, отор нүүдлийн зохион байгуулалтыг эрчимжүүлэх чиглэл өглөө
  • Экспорт өмнөх оны мөн үеэс 45.3 хувиар өсжээ
  • Яруугийн уугуул Яруухан гарьд М.Лхагвагэрэлийн тухай сонирхолтой 24 баримт
  • Өнөөдөр төв болон зүүн аймгуудын нутгаар нойтон цас орж, шуурна
  • Хайрын дууч С.Сэрчмаагийн тухай 24 баримт
  • Г.Тэмүүлэн: Хүний эрх, эрх чөлөөг хамгаалахад төсөв мөнгө харамлах шаардлаггүй
  • Б.Хурцын эхлүүлсэн шинэ зам буюу “Их эвсэл”
  • МУГТ Э.Цэндбаатар энэ бямба гарагт Мухаммад Якубовтой тулалдана
  • ОХУ-ын АНУ-д суугаа Элчин сайд Александр Дарчиев гэнэт нас баржээ
  • З.Мэндсайхан: 2027 оны төсөв иргэдийнхээ орлогыг хамгаална
  • FIBA 3x3 AmeriCup 2026 тэмцээний тойм
  • Экспорт өмнөх оны мөн үеэс 45.3 хувиар өсжээ
  • 24 БАРИМТ: Дэлхий дээрх бидний анзаардаггүй "этгээд" баримтууд
  • Б.Баяраа: Хүчин төгөлдөр бус хуулийг шүүх хэрэгжүүлсээр байна
  • Дональд Трампын илгээсэн тусгай илч нар В.Путинтай уулзахаар Москвад ирлээ
  • Согтуугаар тээврийн хэрэгсэл жолоодсон 73 зөрчил өчигдөр бүртгэгджээ
  • ПСЖ клубийн алтан эрин үе
  • П.Бат-амгалан дэлхийн аварга болж, дэлхийн дээд амжилтыг шинэчиллээ
  • ОХУ-ын талд тагнуул хийсэн гэх сэжгээр АНУ-ын армийн алба хаагчийг Их Британид баривчилжээ
  • Этгээд хоригтой 24 улс
  • Б.Орхонбаярт амлуулсан О.Хангай аварга яагаад өөрөөсөө бага цолтой М.Лхагвагэрэл гарьдын ард гарав?
  • СУРВАЛЖИЛГА: Махны үнэ өсөж, иргэд өвлийн идэшээ бага багаар базааж байна
24 баримт
  • Хайрын дууч С.Сэрчмаагийн тухай 24 баримт
  • З.Мэндсайхан: 2027 оны төсөв иргэдийнхээ орлогыг хамгаална
  • Б.Баяраа: Хүчин төгөлдөр бус хуулийг шүүх хэрэгжүүлсээр байна
  • Этгээд хоригтой 24 улс
  • 24 БАРИМТ: Дэлхий дээрх бидний анзаардаггүй "этгээд" баримтууд
Эхлэл Улс төр Эдийн засаг Нийгэм Дэлхий 24 баримт 24 фото COP17 Спорт Видео Сошиал мэдээ
Холбоо барих Сурталчилгаа байршуулах Зар Вэб сайт хийх

Зохиогчийн эрх хуулиар хамгаалагдсан. Мэдээлэл хуулбарлах хориотой.

Вэб сайтыг хөгжүүлсэн: Sodonsolution ХХК