Пауэрлифтингийн хэвтээ шахалтын хувцас хэрэглэлтэй болон хэрэглэлгүй төрлийн Азийн аварга шалгаруулах тэмцээн манай оронд хоёр дахь өдрөө үргэлжилж байна.

Өчигдөр тэмцээний эмэгтэйчүүдийн хөнгөн жинд медальтнуудаа тодруулсан бол өнөөдөр эрэгтэйчүүдийн ангилалаар өрсөлдөөн өрнөх юм байна. Тэмцээний нээлтийн ёслол өнөөдөр болоход МПНХ-ны ерөнхий нарийн бичгийн дарга Д.Баттулга Азийн пауэрлифтингийн нэгдсэн холбооны ерөнхийлөгч Паршид Солтанд МҮОХ-ны "Алтан медаль" гардууллаа. Манай оронд өнгөрсөн жил пауэрлифтингийн ДАШТ анх удаа болсон бол тивийн аварга шалгаруулах тэмцээн хоёр удаа болж байгаа нь энэ. "Holiday inn" зочид буудлын хоёрдугаар давхарын танхимд тэмцээн таван өдөр үргэлжлэх юм. Өчигдөр тэмцээний эмэгтэйчүүдийн 63 кг-ын жинд манай тамирчин Очирбатын Орхонтуул 135 кг-ыг цээжнээс шахаж алтан медаль хүртэж, азийн дээд амжилтыг шинэчилжээ. Тэмцээнд есөн орны баг тамирчин оролцож байна.