“Монгол-Хятадын экспо” энэ сарын 6-10-ныг хүртэл ӨМӨЗО-ны Хөх хот болон Улаанцав хотод үргэлжилж байна. Энэ хүрээнд Улаанцав хотод Монгол-Хятадын худалдаа, эдийн засгийн салбар дахь хууль зүйн үйлчилгээний хамтын ажиллагааны хурал энэ сарын 6-нд болж өнгөрсөн юм. Хурлын үеэр ӨМӨЗО-ны Хууль зүйн танхимын дарга Би Лифү итгэл тавьсныг товчлон хүргэж байна.

Тэрбээр “2013 оны намар Хятадын дарга Ши Жиньпин, Казахстан, Индонези улсад Торгоны замын эдийн засгийн бүс, XXI зууны далайн торгоны зам буюу “Нэг бүс нэг зам” санаачилгын бүтээн байгуулалтын ажлаа санал болгосон. Одоогийн байдлаар дэлхийн 150 гаруй улс орон, олон улсын байгууллага Хятад улсын “Нэг бүс нэг зам” бүтээн байгуулалтын хамтын ажиллагааны гэрээнд гарын үсэг зураад байна. Хятад улсын Засгийн газар гадаадын хууль эрх зүйн үйлчилгээг хөгжүүлэхэд ихээхэн ач холбогдол өгдөг. Эдийн засаг, худалдааны хамтын ажиллагаа бол хамгийн түрүүнд хууль эрхзүйн хэрэгжилтийг шаарддаг.

Бид бат бөх суурин дээр “Зургаан 1” төслийг хэрэгжүүлж, Монгол-Хятад хоёр хэл дээрхи хууль зүйн хэргийн мэдээллийн сан байгуулж, Монгол-Хятад хэлний хос хэлний орчуулгын тогтолцоог бий болгон. Монгол-Хятад хос хэлтэй хуульч бэлтгэх бааз байгуулахын тулд Монгол-Хятад хууль зүйн практик толь бичгийг боловсруулж байна. Одоогийн байдлаар нийт 8460 хуульч, 609 хуулийн фирм, Монгол-Хятад хэлээр хууль эрх  зүйн үйлчилгээ үзүүлэх боломжтой 779 хуульчийн бүрэлдэхүүнтэйгээр 10 мянган хүн тутамд 3.3 хуульч ажиллаж байна.

Нэгдүгээрт, Монгол Улсын аж ахуйн нэгж, иргэдэд хууль эрх зүйн үйлчилгээг тухтай, үр ашигтай хүргэх үүднээс хууль зүйн үйлчилгээний сүлжээг сайжруулна.

Хоёрдугаарт, Хятад, Монголын хууль эрхзүйн үйлчилгээний онолын үндэслэлийг эрчтэйгээр судалж, нэгтгэх болно.

Гуравдугаарт, Солилцоо, хамтын ажиллагааг гүнзгийрүүлэх, гадаадын хууль эрх зүйн үйлчилгээний ажилтнуудын сургалтыг хурдасгахыг зөвлөж байна.

Дөрөвдүгээрт, Хууль эрх зүйн орчныг шударга, үр дүнтэй, ил тод дүрмийг бий болгохын тулд харилцан ойлголцол, харилцан хууль ёсны байдлыг тасралтгүй өргөжүүлэхийг уриалж байна.

Хууль бол бидний нийтлэг хэл бөгөөд хүн төрөлхтний хамгийн том нийтлэг хэмжигдэхүүн юм. “Нэг бүс нэг зам”-ын бүтээн байгуулалт нь хууль эрх зүйн үйлчилгээний өргөн цар хүрээг нээж, шинэ эрхэм зорилгоо дэвшүүллээ. Бүгдээрээ нэгдэж, Хятад, Монголын хууль, эрх зүйн үйлчилгээний хамтын ажиллагааны шинэ дүр зургийг зурцгаая” гэлээ.

Б.Жаргал