Үндсэн хуульд нэмэлт, өөрчлөлт оруулах хуулийн төсөлд ард нийтийн санал асуулга явуулах саналыг УИХ-ын чуулганаар дэмжсэн. Үүнтэй холбогдуулан санал асуулга явуулах төсвийг хаанаас гаргах вэ гэдэг асуудал Төрийн байгуулалтын байнгын хорооны өнөөдрийн хуралдааны гол сэдэв болсон юм. Тэгвэл "29 тэрбум" төгрөгийг Засгийн газраас гаргах боломж бийг МАН-ын бүлгийн дарга Д.Тогтохсүрэн мэдэгдлээ.

Тэрбээр “Хуулиараа гаргах боломж Засгийн газарт бий. Тодотгол оруулах, эсвэл зардал хооронд гүйлгээ шилжүүлэх зэргээр асуудлыг шийдэх боломж бүрэн бий. Ард нийтийн санал асуулгыг ирэх сарын 30, 31-нд явуулахаар дэмжсэн. Хоёр өдөр зохион байгуулахаас өөр аргагүй. Амьдрал баян шүү дээ. Нэг өдөр нь салхи, шуургатай байгаад санал асуулгад оролцож чадахгүй байхыги үгүйсгэхгүй. Ийм эрсдэлээ бодож хоёр өдөр зохион байгуулахаар болсон. Харин гадаадад ажиллаж, амьдардаг иргэдээс ирэх сарын 19, 20-нд санал асуулга авна.

Г.Алимаа