Шадар сайдын харьяа агентлагуудын нээлттэй өдөрлөг энэ сарын 16-нд буюу ирэх даваа гарагт зохион байгуулагдахаар боллоо.

Өдөрлөгт Мэргэжлийн хяналтын ерөнхий газар, Стандартчилал хэмжил зүйн газар болон Онцгой байдлын ерөнхий газар зэрэг байгууллагууд оролцож иргэдэд зөвлөгөө мэдээлэл өгч, асуудлыг газар дээр нь шийдвэрлэх юм.

Тухайлбал, Мэргэжлийн хяналтын ерөнхий газрын дэд бүтэц, цөмийн болон цацрагийн аюулгүй байдал, байгаль орчин, геологи уул уурхай, хүнсний аюулгүй байдал хөдөө аж ахуйн хяналтын газар зэрэг долоон хяналтын газраас иргэдэд зөвлөгөө, мэдээлэл өгч үйлчилгээ үзүүлнэ. Мөн цөмийн болон цацрагийн аюулгүй байдлын хяналтын газраас Япон улсаас импортолсон, 2011 оноос өмнө үйлдвэрлэгдсэн авто тээврийн хэрэгсэлтэй иргэдийн машинд цацрагийн хэмжилтийг үнэ төлбөргүй хийж өгөх юм байна.

Түүнчлэн хуурамч эм, шошгийн зөрчилтэй бүтээгдэхүүний талаар үзэсгэлэн гаргах аж.

Б.Лхам