Нийслэлийн 84 дүгээр сургуульд үдийн цай хөтөлбөр хэрэгжүүлэгч аж ахуйн нэгж “Коко десерт” ХХК зориулалтын бус саваар хүнсний бүтээгдэхүүн тээвэрлэж байгаа мэдээлэл цахим сүлжээнд цацагдсан.

Мэдээллийн дагуу НМХГ-аас Ханган нийлүүлэгч байгууллага дээр нь очиж шалгахад хүнсний зориулалтын бус саваар тараг тээвэрлэж, түгээж байсан зөрчил тогтоогдсон байна.  Уг зөрчилд зөрчлийн арга хэмжээ авч, уг үйлдлийг таслан зогсоосон. Сургуулийн цайны газрыг зогсоох албан бичгийг нийслэлийн Өмчийн харилцааны газарт, сургуулийн захиралд хариуцлага тооцуулахаар нийслэлийн Боловсролын газарт албан бичиг хүргүүлсэн.  

Учир нь зөөвөрлөж ашиглаж байсан сав, таргийг лабораторийн шинжилгээнд хамруулахад гэдэсний халдвар үүсгэгч энтеробактер /enterobacter spp/ илэрчээ. Иймд Нийслэлийн Өмчийн харилцааны газраас хариу мэдэгдэл иртэл тус сургуулийг үдийн цайгаар хангагч байгууллагын үдийн цайгаар хангах үйл ажиллагааг түр зогсоожээ.

Б.Лхам