Улсын Дээд шүүхийн Иргэний хэргийн танхимд нэр бүхий улс төрийн гурван намыг шинээр бүртгэх эсэх саналыг хэлэлцлээ. Шүүхээс "Шударга иргэдийн нэгдсэн эвсэл нам"-ыг бүртгэх шийдвэр гаргаснаар Монгол Улс улс төрийн 34 намтай болсон юм.

Тэгвэл үдээс хойш болсон хуралдаанаар "Сошл Либерал нам" болон "Зүй Ёс нам"-ыг шинээр бүртгэх саналыг хянан хэлэлцээд "Сошл Либерал нам"-ыг бүртгэхээс татгалзсан. Учир нь хүсэлтэд хавсаргасан баримт нь Улс төрийн намын тухай хуульд заасан шаардлагыг хангаагүй гэж үзсэн тул Улсын Дээд шүүх уг намыг улсын бүртгэлд бүртгэхээс татгалзлаа.

Харин "Зүй Ёс нам"-ыг улсын бүртгэлд бүртгүүлэх тухай Б.Насанбилэг нарын хүсэлтийг Улсын Дээд шүүх хянан хэлэлцэж, зөвшөөрсөн юм. Ингэснээр Монгол Улс нэг өдрийн дотор улс төрийн хоёр нам буюу 34, 35 дэх улс төрийн намаа өлгийдөн авлаа. 

Г.Алимаа