Монгол Улсын Засгийн газар Энэтхэгийн Улсын “Эксим” банк хоорондын “Газрын тос боловсруулах үйлдвэр барих” төслийн нэмэлт санхүүжилтийн зээлийн хэлэлцээрийн төслийг Төсвийн байнгын хороогоор хэлэлцэж дэмжлээ.

Үүнтэй холбогдуулан УИХ-ын гишүүн Г.Тэмүүлэн "Төслийг хэрэгжүүлэх хэрэгцээ шаардлага бий. Импортын шатахууны 100 хувь хараат байдлаас бид салах ёстой. Гэхдээ тодруулах шаардлагатай зүйл олон байна. Гол шаардлага нь импортоос авч байгаа газрын тосноос хямд байх ёстой. Тиймээс бүх мэдээллийг хангалттай өгөх ёстой. Хэн нэгнийг буруутгах гэсэнгүй. Тооцоо дутмаг, алдаатай зүйл хийх вий. Түүхий эдийг төмөр замаар эсвэл хоолойгоор дамжуулах уу гэдгээс хамаарч зардал өөр гарна гэлээ. Дээр нь түүхий эд бол хамгийн гол асуудал. Үйлдвэр найдвартай ажиллана. Энэ бол ойлгомжтой. Гэтэл түүхий эдээ хаанаас авах вэ. Үүнийг анхаарах ёстой. 20 гаруй жил хайгууул хийж байж хоёр орд нээсэн. Эндээс л авах байх. Нэг бодлогын санал хэлэхэд дотоодын хайгуулын ажлыг эрчимжүүлэх ёстой. Ядаж хөрөнгө оруулалтынхаа 10, 15 сая ам.долларыг дотоодын хайгуулын ажилд зарцуулаач ээ.

Хувьцаа эзэмшигчийн хувьд хариулт өгсөнгүй. Үүнд тодорхой хариулт өгөөрэй. Салбар яам бодлогынхоо ажлыг хийх ёстой. Түүнээс биш ААН-ийн үйл ажиллагаанд хөндлөнгөөс орж болохгүй" гэлээ. 

Г.Нацаг