Сурагчдын үдийн цайнд хатсан талх өгсөн асуудал нийгмийн сүлжээгээр тархаж, маргаан дэгдээгээд байсан. Тэгвэл Нийслэлийн мэргэжлийн хяналтын газраас 79 дүгээр сургуульд үдийн цай нийлүүлдэг “Инж-Ану” ХХК”-ийн үйл ажиллагааг цуцлах санал хүргүүлжээ.

Түүнлэн өнгөрөгч есдүгээр сард Мэргэжлийн хяналтын ерөнхий газраас ерөнхий боловсролын сургуулиудын барилга, байгууламж болон хоол үйлдвэрлэл, үйлчилгээ зэрэгт хяналт шалгалт хийсэн. Уг шалгалтаар 79 дүгээр сургуульд үдийн цай нийлүүлдэг байсан аж ахуйн нэгж зориулалтын бус газарт үйл ажиллагаа явуулсан болон хоол үйлдвэрлэлийн байрны ариутгал цэвэрлэгээ хангалтгүй зэрэг зөрчил илэрч байжээ.