УИХ-ын ээлжит чуулганы ээлжит хуралдаан үргэлжилж байна. Чуулганаар хэлэлцэх асуудалтай холбогдуулан зарим гишүүд үг хэлж, санал гаргасан. Тухайлбал, УИХ-ын гишүүн С.Бямбацогт сайжруулсан шахмал түлж хэрэглээнд нэвтрүүлснээс хойш олон асуудал дагуулж байна. Холбогдох байгууллагууд нь яаралтай арга хэмжээ авах хэрэгтэйг хэлээд Засгийн газраас асуулганы хариултыг яаралтай бэлдэж, маргаашийн чуулганаар асуулгад хариулах боломийг бүрдүүлж өгөхийг хүссэн.
Харин УИХ-ын гишүүн Д.Тэрбишдагва "Бидний өмнө олон асуудал тулгамдаж байна. Тухайлбал, тусгаар тогтнол, хоёр хөршийн бодлого, шашин шүтлэг, хар тамхи гээд маш олон асуудал байна.
Энэ бүхнийг УИХ-ын хаалттай хуралдаанаар Үндэсний аюулгүй байдлын гишүүдээ сонсоё гэдэг саналыг 2-3 удаа гаргаж байсан. Хар тамхи хэрэглэсэн хүмүүс байшин дээрээс үсэрдэг байлаа. Нөгөө хэсэг нь автын ослоо өөд болдог. Гэтэл сүүлдээ баавгайд бариулж үхдэг болж байна. Утааны улмаас бөөн бөөнөөрөө үхэл зовлонтой тулгарлаа. Энэ асуудлыг зүгээр нэг гишүүний асуултад хариулах маягаар өнгөрөөж болохгүй" гэлээ.
Г.Нацаг