Нэгдүгээр сургуулийн сурагчид үдийн цайнаасаа хордлого авсан гэх асуудал гарсан. Тэгвэл үүнтэй холбогдуулан тус сургуулийн сурагчдын эцэг, эх болон багш ажилчид мэдээлэл хийлээ.

Тодруулбал, сурагчдад өгсөн үдийн цайг нийлүүлэхдээ шинжилгээний бичиг өгөөгүй. Нэхэхэд “Дуугай тараа” гэсэн гэдгийг тус сургуулийн эмч хэлсэн юм. Харин сургуулийн багш нар “9 дүгээр сарын 1-нд үдийн цай өгсөн. Маргааш нь хоёр хүүхдийн бие өвдсан гэж эцэг, эх нь ярьсан. Удаагүй байтал дахиад нэг хүүхдийн аав ярьсан. Үүний дараа эмчид мэдээллэсэн. Гэтэл нэг байцаагч сургууль дээр ирээд энэ талаарх мэдээллийг тарааж болохгүй гэж надаас мэдүүлэг авсан. Гэтэл энэ сарын 15-нд манай сургууль дээр ирээд ёс зүйн алдаа гаргасан учир хариуцлага тооцно гэсэн.

Би гомдолтой байна” гэсэн бол “Мэргэжлийн хяналтын хэд хэдэн байцаагчид харъяалалын бус хүүхдийг тус сургуульд оруулсан” гэдгийг Үйлдвэрчний эвлэлээс онцолсон юм. Харин эцэг, эхчүүдийн төлөөллийн зүгээс “Мэргэжлийн хяналтын байцаагчаас ямар шинжилгээ хийсэн бэ. Ямар хариуцлага тооцох бэ” гэж асуухад шошгогүй гэдэг шалтгаанаар 6 сая төгрөгийн торгууль ногдуулсан гэсэн. Гэтэл торгуулийн актаа үзүүлээгүй. Тиймээс хяналтын прокурортой уулзсан. Тэгэхэд хэргийн материалтай бүрэн танилцаагүй байна гэсэн. Эндээс үзвэл мэргэжлийн хяналтын байцаагч зөвхөн нэг талыг өмгөөлж, шийдвэр гаргаж байна. Бид ингэж хардаж байна гэлээ. Түүнчлэн “Бид зөвхөн сурагчдад өгсөн хоол хүнсэнд шинжилгээ хийлгэхийг хүссэн. Гэтэл хариуцлага нэхсэн багш нарыг хариуцлага алдсан гэж шалтагдаж, хариуцлага тооцох гэж байна. Үүнд харамсаж байна.: Хүүхдэд өгөх хоол хүнсийг урагдаж, халцарсан тамхины саванд зөөвөрлөж байна” гэсэн юм.

Г.Алимаа