Дэлхийн элсний спортын анхдугаар наадам Катар улсын Доха хотноо энэ сарын 11-16-ны өдрүүдэд болж өндөрлөлөө.
Тус тэмцээнд манай улсаас 3х3 сагсан бөмбөгийн эрэгтэй, эмэгтэй багууд оролцсоноос эрэгтэй баг хүрэл медаль хүртэв.
Торуулбал, хэсгийн тоглолтуудаас Монголын эмэгтэй баг шалгарч чадаагүй бол эрэгтэй баг хоёр хожил, нэг хожигдолтой хэсгээсээ шалгарсан юм. Улмаар хасагдах шатны тоглолтод БНХАУ-ын багтай оноолт таарч 21:17 онооны харьцаатай ялалт байгуулж, хагас шигшээ тоглолтод ОХУ-ын багт 8:21 онооны харьцаатай хожигдов.
Ингээд хүрэл медалийн төлөө хэсгийн тоглолтод хожигдсон Украины багтай дахин оноолт таарч 20:16 онооны харьцаатай ялалт байгуулж, Монголын 3х3 сагсан бөмбөгийн эрэгтэй U23 насны шигшээ баг хүрэл медалийн эзэд боллоо.
Б.Жаргал