УИХ-ын дарга асан З.Энхболдын даргалсан өмнөх парламентын үед буюу 2015 онд шинэчлэн баталсан. Ингэснээр иргэд худалдан авалт бүртээ НӨАТ-ын буцаалт авдаг болсноос гадна сар бүр сугалааны тохиролдог үздэг болсон билээ. НӨАТ-ын сугалааг хэрэгжүүлж эхэлсэн цагаас хойш уг асуудалтай холбоотой шударга бус явдаг тухай шүүмжлэл гараад байсан юм. Мөн сугалаанд нэг ч удаа азтан болж үзээгүй хүмүүсийн итгэл алдарч, “Сугалаа явуулахаа болих хэрэгтэй” гэх хандлага бий болсон. НӨАТ-ын тухай хуулийг батлалцсан хүмүүс ч сугалаа явуулахаа болих нь зүйтэй гэж үзэх болоод буй. Тухайлбал, НӨАТ-ын тухай хуулийг батлахад УИХ-ын гишүүнээр ажиллаж байсан Баянгол дүүргийн Засаг дарга С.Одонтуяа сугалаа явуулдгаа болих нь зөв гэсэн байр суурь илэрхийлжээ.
Энэ тухайгаа тэрбээр “НӨАТ-ын хэмжээг 10 хувь байгааг таван хувь болгох нь зөв. НӨАТ-ын татварын буцаан олголтын үр дүнд татварын бааз гурав дахин нэмэгдсэн. Цаашид буцаан олголтыг хэвээр үлдээж сугалааг болиулах хэрэгтэй. Ингэснээр аж ахуйн нэгж иргэдийн ачаалал буурах, татвар төлөгчдийн тоо улам нэмэгдэх, төсвийн орлого улам өсөх, далд эдийн засаг улам хумигдах эерэг үр дагавартай” гэжээ.
Сэтгэгдэл (20)