Сүхбаатар аймгийн Баруун Урт сумын гуравдугаар багийн нутаг дэвсгэрт байрлах "Эрдэнэ Шарга" караокед гал гарсны улмаас нэг хүн нас барж, 20 гаруй хүн их, бага хэмжээгээр түлэгдэж, угаартан байдалтайгаар эмнэлэгт хүргэгдсэн харамсалтай хэрэг энэ сарын  11-ний шөнө гарсан билээ. Үүнтэй холбогдуулж, тэдгээр хүмүүст туслах хандивын аяныг нутгийн нэр бүхий иргэдийн зүгээс эхлүүлээд байгаа юм.

Аяны хүрээнд Сүхбаатар аймгийн Баруун-Урт сумын иргэн, аймгийн алдарт уяач Баярын Баттөр гурван сая төгрөг хандивлан нэгджээ. Тэрбээр “Жавхлант шарга”, “Ажнай” зэрэг хурдан морь сонирхогчдын группээр дамжуулан хүрэн халзан даагаа дуудлага худалдаанд оруулсныг  “Чингис хаан” банкны захирал С.Сандагдорж 3.2 сая төгрөгөөр худалдан авсан байна. Адууг эзэнд нь хүргэх замын зардалд 200 мянгыг нь зарцуулаад, гурван сая төгрөгийг “Сэтгэлийн дэм” аяны дансанд шилжүүлснийг та бүхэнд дуулгахдаа баяртай байна. Өгөх нь авахаасаа илүү ерөөлтэй. Танд болон гэр бүлд тань эрүүл энх, сайн сайхныг хүсье” гэжээ.

С.Сүлд