Чингэлтэй дүүргийн Эрүүгийн хэргийн анхан шатны шүүхэд энэ сарын 21-нд УИХ-ын гишүүн асан З.Баянсэлэнгэ нарт холбогдох хэргийг хэлэлцэхээр товлосон ч шүүх хурал дахин хойшилж, ирэх арваннэгдүгээр сарын 28-нд хэлэлцэхээр болжээ. Учир нь шүүх хурал эхлэхэд З.Баянсэлэнгэ эхлээд шүүгчээс, дараа нь шүүх бүрэлдэхүүнээс, улмаар Чингэлтэй дүүргийн Эрүүгийн хэргийн анхан шатны шүүхийн шүүгчдээс татгалзаж буйгаа илэрхийлсэн. Гэвч ямар үндэслэлээр татгалзах болсноо тайлбарлаж чадаагүй учраас тус шүүхийн Ерөнхий шүүгч нь татгалзах саналыг нь хүлээн аваагүй юм. Улмаар гэрчийг шүүх хуралд оролцуулахаар хүсэлт гаргасан ч гэрчийг заавал байлцуулах шаардлагагүй гэж шүүхээс үзсэн байдаг. Учир нь гэрч өөрөө хуралд оролцох боломжгүйгээ илэрхийлсэн бөгөөд мөрдөн байцаалтын явцад гэрчээр мэдүүлэг өгснөө илэрхийлсэн учраас З.Баянсэлэнгийн хүсэлтийг нь хүлээж аваагүй юм. Тиймээс шүүн таслан ажиллагаанд саад учруулсан гэх үндэслэлээр шүүгчдэгийг ирэх сарын 28-нд болох шүүх хурал хүртэл цагдан хорих таслан сэргийлэх арга хэмжээ авч ШШГЕГ-ын харьяа Цагдан хорих 461 дүгээр ангид өчигдөр хүргүүллээ.
Сэтгэгдэл (3)