Гүрж улсад бартаат замын “Georgio adventure rally” уралдаан болоход Монгол бүсгүй тэргүүн байрт оржээ. Тэмцээн Гүржийн сүрлэг уулс, усан үзмийн талбай, мөнх цаст оргил, хадан хавцал, мөсөн гол гэхчлэн үзэсгэлэнт газар, эрсдэл ихтэй замд найман орны 13 баг, тамирчин долоон өдөрт 3500 км замыг автомашинаар туулан уралдахад Монгол тамирчин Б.Бат-Ундрал түрүүлсэн байна.
Б.Бат-Ундрал нь автоспорт төдийгүй мотоспортын төрлөөр эх орныхоо нэрийг өндөрт гаргаж яваа шилдэг тамирчин юм. Тэрбээр ДАШТ-ээс хүрэл, “Sprint rilly” тэмцээний мөнгөн медальтайгаас гадна улсын аварга шалгаруулах тэмцээнээс иж бүрдэл медальтайн дээр эр зоригийн шагнал хүртэж явсан удаатай.
Б.Жаргал