Тайландын нийслэл Бангкок хотод пара байт харвааны Азийн АШТ энэ сарын 19-26-нд болж байна. Энэ тэмцээнд манай дөрвөн тамирчин ганцаарчилсан төрөлд цэц сорьход Б.Оюун-Эрдэнэ 1/4 шигшээ хүртэл өрсөлдсөн нь хамгийн өндөр амжилт болов.

Мөн холимог багийн төрөлд манай харваачид Тайландын багт ялагдсанаар тэмцээнээ өндөрлүүлжээ. Өнөөдөр манай тамирчид "Токио-2020" паралимпийн наадмын эрх олгох тэмцээнд цэц мэргэнээ сорьсноос Н.Мөнхбаатар эрхээ авсан байна. Тэрбээр тус тэмцээнээс мөнгөн медаль хүртэж эрхээ авсан бол Б.Оюун-Эрдэнэ хүрэл медаль хүртсэн юм. Энэ тэмцээнд 23 орны 107 тамирчин өрсөлдсөн бөгөөд эхний хоёр байрт харваачид паралимпийн наадмын эрх олгосон юм.

Б.Жаргал