БНСУ-ын Сөүл хотноо энэ сарын 24-25-ны өдрүүдэд Олимпийн парк цэнгэлдэх хүрээлэнгийн спорт заланд Аэробик гимнастикийн “Кориэ Опен” олон улсын тэмцээн боллоо.

Тэмцээнд Япон, Солонгос, Вьетнам, Тайланд, Монгол, БНХАУ, Камбож, БНХАУ-ын Хонг Конг, Франц зэрэг есөн улс 200 гаруй тамирчид аваргын төлөө авьяас билэг, хүч чадал, техник ур чадвараараа өрсөлдөв.

Манай улсаас уг тэмцээнд 58 хүний бүрэлдэхүүнтэй дөрвөн насны ангилалд оролцож нийт есөн алт,  таван мөнгө, зургаан хүрэл медаль тус тус хүртсэн байна.

Тэмцээнд олон улсын Гимнастикийн холбооны Хүндэт дэд ерөнхийлөгч, Франц улсын иргэн Mirelle Ganzin хяналтын шүүгчээр, Тэмцээний ерөнхий шүүгчээр, Япон Улсын иргэн ОУ-ын болон Азийн гимнастикийн холбооны Аэробик гимнастикийн техникийн хорооны Ерөнхийлөгч Tammy Yagi Kitagawa нар ажиллалаа.