Гавьяат дасгалжуулагч Ш.Бат-Оршихын нэрэмжит жүдо бөхийн 73 кг-ын жингийн шилдэг бөхчүүдийн халз барилдаан Эрдэнэт хотын "Хангарьд" спортын ордонд энэ сарын 15-нд болно. Долоон сая төгрөгийн шагналын сантай "Топ-73" тэмцээнд гавьяат тамирчин Г.Одбаяр, Ц.Цогтбаатар, Д.Алтансүх, Н.Хадбаатар, Г.Хэрлэн, Д.Төмөрхүлэг, Б.Эрхэмбаяр, Н.Мөнхбаяр нарын шилдэг жүдочид өрсөлдөх нь ээ.

Ш.Бат-Орших нь олимп, ДАШТ-ий хүрэл медальт, гавьяат тамирчин С.Ням-Очирын анхны багш юм. Тиймээс өөрийн унаган шавийнхаа жинд энэхүү сонирхолтой тэмцээнийг зохион байгуулж байгаа нь сонирхолтой болоод бөхийн хорхойтнуудын хүсэн хүлээсэн тэмцээн билээ.

Б.Жаргал