Үндсэн хуулийн цэцийн дарга Д.Одбаярыг Инчеоны орон нутгийн шүүхээс баривчлан байцаалт авах зөвшөөрөл өгсөн талаар БНСУ-ын хэвлэлүүдэд мэдээлжээ. 

Уг мэдээллээр Цэцийн дарга Доржийн Одбаяр болон түүнтэй хамт явж байгаад бэлгийн дарамт үзүүлсэн хэрэгт оролцсон гэх Монгол Улсын иргэн 42 настай А нарыг Инчеоны орон нутгийн шүүхээс баривчлан байцаалт авах шийдвэр гаргалаа. 

Инчеон хотын цагдаагийн газраас Сингапур руу мэдүүлэг өгөлгүй явсан А-г Монгол Улсаас БНСУ-д суугаа ЭСЯ-аар дамжуулан албадан ирүүлэх арга хэмжээг авахаа мэдэгдсэн гэдгийг дурджээ.

Цэцийн дарга Д.Одбаярыг сайн дураараа мэдүүлэг өгөхөөр ирээгүй, Монгол руу дамжин нисэхээр явж байхад нь Инчеоны цагдаа нар түүнийг саатуулсан талаар БНСУ-ын хэвлэлүүдээр мэдээллээд байсан юм. Тэрбээр өнөөдөр өглөө Инчеонд нисэх буудалд буусан байдаг.

С.Сүлд