Монгол бөхийн өргөөнд өнөөдөр Атар газар эзэмшсэний 60 жилийн ойд зориулсан үндэсний бөхийн барилдаан болно.

Энэ барилдаанд улсын арслан П.Бүрэнтөгс, Р.Пүрэвдагва, харцага Т.Баасанхүү, Б.Бат-Өлзий, Б.Одгэрэл, О.Хангай, Н.Золбоо, Ш.Мөнгөнбаатар, начин Ч.Хөхчирэнгэр, Б.Амарзаяа,Б.Батжаргал, Б.Чимэдвандан, Б.Серик, Г.Ганжад, Ш.Дарханбат, Д.Амаржаргал, Б.Даваа-очир, Б.Орхонбаяр, Н.Баярбаатар 256 бөх зодоглохоор бүртгүүлжээ.

Тус барилдаанд аварга цолтон бүртгүүлээгүй ч бөхийн хорхойтнуудын хүсэн хүлээсэн уран барилдаант харцага Төрөөгийн Баасанхүү зодоглох нь ээ. Тэрбээр хоёр жилийн өмнө Улсын баяр наадмын дараа “Сүлд” спорт хорооныхоо бэрсэг наадамд зодоглохдоо мөрөө бэртээж, улмаар Улсын баяр наадам, Цагаан сарын барилдаанаас бусад үед зодоглоогүй юм.

Б.Жаргал