УИХ-ын чуулганы нэгдсэн хуралдаанаар Санхүүгийн зохицуулах хорооны даргыг үүрэгт ажлаас нь чөлөөлөх тухай асуудлыг хэлэлцэж, гишүүдийн 60.5 хувийн саналаар дэмжлээ.

Тодруулбал, Монгол Улс “Саарал жагсаалт”-д орсонтой холбогдуулан Санхүүгийн зохицуулах хороон дарга С.Даваасүрэн энэ сарын 5-ны өдөр албан үүргээсээ чөлөөлөгдөх хүсэлтээ хүргүүлсэн юм. Түүний саналыг ЭЗБХ-оор дэмжиснээр ийнхүү УИХ-аар хэлэлцсэн нь энэ юм. Тэрбээр албан үүргээсээ чөлөөлөгдөх өргөдөлдөө “Худал ярьдаг, зөвд бус бурууд чиглүүлдэг, хоосон яриа, хов живээр ажлаа явуулдаг, нэгийг ярьж нөгөөг үйлддэг явдал байсаар байгаа нь төрийг хэрхэн хүчгүйдүүлж, олныг хэрхэн талцуулж, тамирдуулж байгааг нүдээрээ харж, биеэрээ мэдэрлээ” хэмээх шүүмжлэлд иргэдийн зүгээс санал нэг байлаа. Нөгөөтэйгүүр, дээрх асуудлыг хоёр албан тушаалтныг үүрэгт ажлаас нь чөлөөлж өөрсдийгөө халхалж байна гэж шүүмжилэл гараад буй.

Түүний дараа Монголбанкны ерөнхийлөгч Н.Баяртсайханыг гишүүдийн олонхийн саналаар чөлөөллөө. Тэрбээр албан тушаалаасаа чөлөөлөгдөх хүсэлтээ өнгөрсөн даваа гарагт УИХ-ын даргад хүргүүлсэн юм.

Б.Лхам