УИХ-ын гишүүн, ШИНЭ намын дарга Ж.Батзандан Орхон аймгийн иргэдтэй уулзаж байна. Тэрбээр энэ үеэр "Эрдэнэт хотыг бие даасан хот болгох асуудлыг Үндсэн хуульд нэмэлт, өөрчлөлтөд тусгаж өгөөрэй гэдгийг хүссэн. Энэ асуудал шийдэгдсэн. Эрдэнэт бие дааж хөгжих болно. Эрдэнэт хотын бие даасан хууль удахгүй батлагдах болно. Дараагийн нэг асуудал нь Эрдэнэт үйлдвэр нь Өмнөд Африкийн стандарт банкны мэдэлд оччихлоо. "Ачит-Их" ХХК-ийг анхааралдаа аваач гэж иргэд хүссэн. Энэ компанийн хувьд ногдол ашиг хүртээдэггүй, том толгойтой компани. АТГ-аас үүнийг шалгаж байна. Эрдэнэт үйлдвэрийн даргаар ажиллаж байхдаа Ачит-Их компанид давуу эрх олгосон Даваасүрэн АТГ-д баригдаж, хоригдсон. ЗГХЭГ-ын дарга Л.Оюун-Эрдэнэ ажлын хэсэг байгуулсны буянаар Эрдэнэт үйлдвэрийг алдахааргүй болсон. Жастын Ш.Батхүү Эрдэнэт үйлдвэрийг "ЭКСИМ" банкны барьцаанд тавьсны дараа бүх хөрөнгөө хууль бусаар бусдад шилжүүлсэн.
Энэ хөрөнгийг нь хурааж Эрдэнэтийг өрнөөс гаргана гэдгээ Л.Оюун-Эрдэнэ сайд надаар дамжуулж хэлсэн. Би үүнийг нь та бүхэнд дамжуулж байна.
"Зэс эрдэнэ"-ийн асуудал гэж бий. Эрдэнэтийн олон мянган иргэнийг хамруулсан. Сүүлдээ Оюундарь гишүүн рүү асуудал хазайсан. Үйл ажиллагаа явуулах боломжгүй болсон. Үүнийг иргэд рүү шилжүүлж, үйл ажиллагааг хэвийн болгооч гэдэг хүсэлт ирсэн. Асуудлыг Засгийн газар мэднэ. Гэхдээ Эрдэнэтээс сонгогдсон УИХ-ын гишүүд, Засаг дарга, иргэд дэмжиж, гарын үсэг зурвал хуулийн хүрээнд зөв голдиролд нь оруулахад дэжинэ гэсэн.
МАНАН-гийнхан Л.Болд, Ж.Батзандан хоёрыг үзэн яддаг. Эрдэнэтчүүдийг 30 жил суманд амьдрууллаа. Одоо болно. МАНАН-гийнхан уурлаж байгааг ойлгож байна. МАНАН-гийн 30 гэр бүл таргалж байвал бусад нь хамаагүй гэдэг. Бид хоёр үүнийг эсэргүүцэж, Үндсэн хуулийн нэмэлт өөрчлөлтийг дэмжсэн. Учир нь УИХ-ын гишүүнийг эгүүлэн татдаг заалт орсон болохоор тэр. Авлигач, гэмт хэрэгтэн гишүүд Монголын төрд хэрэггүй. Хэдхэн сарын дараа УИХ-ын сонгууль болно. Эрдэнэтчүүд, Орхончууд аа, сонор сэрэмжтэй байгаарай гэж анхааруулмаар байна. Шударга таван гишүүд тэмцэж байж алдсан байсан уул уурхайн компанийг чинь авч өгсөн шүү. Эргүүлээд алдчихав. Сэрсэн ард түмэн МАНАН-г сэгсэрч чаддаг юм. Үүнийг харуулах гэж, батлах гэж бид та бүхнийг уриалж байна. Шударга таван гишүүд чинь нам харгалзахгүй нэгдэж, шударга бусын төлөө, МАНАН-г нураахын төлөө тэмцэж байна. Гэтэл орхончууд хэдий болтол хуваагдах юм бэ. Бид нэгдэх цаг болсон юм биш үү. Үүнийг дэмжиж байвал бидэнтэй нэгд.
Ахмадуудын тэтгэврийн доод хэмжээг 550 мянган болгох шийдвэрийг ШИНЭ нам гаргасан. Ерөнхийлөгч дэмжсэн. Удахгүй УИХ-ын чуулганаар орох болно. Сүүлийн 30 жил шударга хөдөлмөрийг шударга бусаар үнэлж ирсэн. Энэ үнэн биз дээ. Багш нар хэдэн төгрөгийн цалин авдаг билээ. Тиймээс багш, эмч нарын цалинг хамгийн багадаа хоёр сая төгрөг болгоно. ШИНЭ намын зүгээс шударга хөдөлмөр-шударга цалин гэдэг бодлого баримтална6 Цалин, тэтгэвэр нэмэх боломж байгаа юм уу гэж иргэд асуудаг. Монголд хангалттай мөнгө бий. Эрдэнэтийн овоолгоос Чингис бондтой дүйцэхүйц хэмжээний ашиг олно гээд ажлын төлөвлөгөө гаргачихсан байна. Багш, ажилчдынхаа цалинг нэммээр байна. Олигарх 30 гэр бүлийг таргалуулах гэж монголчууд хэдий болтол турах юм бэ" гэлээ.
Г.Алимаа
Сэтгэгдэл (38)