Сүүлийн өдрүүдэд иргэдийн гар утсанд сугалаанд хожсон мэт мессежүүд гадаад улсын дугаараас ирж байгааг ЦЕГ-ын Кибер гэмт хэрэгтэй тэмцэх албанаас анхаарууллаа. Энэхүү мессеж нь ямар нэг сугалаат уралдаан биш бөгөөд залилан мэхлэх гэмт хэрэг аж.

Тиймээс та гадаад дугаараас мессеж, мэдээлэл хүлээж авсан бол ямар нэг байдлаар эргүүлэн холбоо барих шаардлагагүй. Мөн ямар ч тохиолдолд тэдэнд урьдчилгаа хэлбэрээр мөнгө шилжүүлэхгүй байхыг анхаарууллаа.