Энэтхэг улсаас ирсэн захидлын цаасанд манай улсын УИХ-ын нэр бүхий гишүүний туслах хордсон байж болзошгүй нөхцөл байдал энэ сарын 2-нд үүссэн байна. Уг хэрэг Төрийн ордонд болсон бөгөөд дээрх нэр бүхий УИХ-ын гишүүнд хаяглаж ирсэн захидлыг нээсний дараа биеийн байдал муудсан аж.

Албан бус эх сурвалжийн өгүүлснээр захидлын цаасанд амь насанд эрсдэл үүсгэхүйц химийн бодисын агууламжтай байсан учир хэргийн газарт тагнуул, ЦЕГ, МХЕГ-ийн химийн байцаагч, цацрагийн улсын байцаагчид шуурхай очиж ажиллажээ. Хяналтын байгууллагаас хэргийн газарт үзлэг хийж дээрх захидлын цаасыг Химийн хүрээлэнд шинжлүүлэхээр хүргэсэн гэв. 

Г.Алимаа