УИХ-ын чуулганаар Улсын Дээд шүүхийн шүүгчээр Б.Амарбаясгаланг томилох эсэх асуудлыг хэлэлцэж байна. Энэ асуудлаар УИХ-ын гишүүн Л.Болд “ Ж.Батзандан гишүүн тодорхой хэллээ. Шүүх нь болохоо байхаар тухайн улс орон сүйрдэг юм байна. Хувьсгал гэдэг нь өөр хоорондоо зодолдохыг хэлдэггүй юм. Бид 1990 оны ардчилсан хөдөлгөөнөөр талбай дээр цугларсан хүмүүсээс гар өргүүлж санал авсан. Тогтолцоог өөрчлөх үү, хууль хүчний байгууллагын даргыг өөрчлөх үү гэхэд бүгд гар өргөсөн. ШЕЗ-ийн даргаар Батбаяр томилогдсон. Үүнд баяртай байна. Ардчилсан хувьсгалд оролцож явсан хүн. Энэ утгаар нь баярлаж байна. Гурван шатны шүүх гурвуулаа дампуурсан. Энэ мэтчилэн шүүх дампуурсан. Над шиг гялтайж явахгүй бол болохгүй ээ. Дээд шүүх шат дамжлага биш юм аа. Дээд шүүх дээр бүх процесс тодорхой асуудлыг хянадаг болохоос хөгийн асуудлыг шийдэж, мөнгө олдоггүй юм. Эндээс л шүүх засаглал дампуурах эхлэл болж байна. Монголд бүртгэлтэй 30 гаруй нам байна. Манайх шиг 1000 гаруй гишүүдээ цуглуулаад хуралдаж, бүртгүүлдэг нам байна уу. Гэтэл Дээд шүүх дээр бүртгүүлэх гэтэл бөөн юм болсон. Шүүгч орж ирлээ, бос, суу гээд л. Ингэж болохгүй ээ. Хэрэгтэнг шүүж байна уу” гэлээ.

Г.Нацаг