Өнөөдөр 14.00 цагийн орчимд Сүхбаатарын талбайн зүүн талын автозамаар Toyoto Ist маркийн автомашиныг 10-15 насны таван эрэгтэй хүүхдүүд жолоодож явсан зөрчлийг Тээврийн цагдаагийн албаны алба хаагчид илрүүлсэн байна. Шалгалтаар дээрх хүүхдүүд бусдын автомашинд түлхүүр тааруулдаг, асаалттай байгаа автомашиныг удаа дараа хулгайлсан болох нь тогтоогдсон байна. Мөн оймсон дотроо бусдын автомашины түлхүүр нуусан байдалтай байсан аж. Хүүхдүүдээс мэдүүлэг авахад компютер тоглоом тоглох, цанын баазаар үйлчлүүлэхээр дээрх автомашиныг жолоодож явсан гэжээ. Тээврийн цагдаагаас саатуулсан Toyoto Ist маркийн автомашин нь мөрдөлдсөн байдалтай байгаа аж. 

Тиймээс замын хөдөлгөөнд оролцсон зөрчлийг таслан зогсоож, тээврийн хэрэгсэл болон дээрх хүүхдүүдийг Сонгинохайрхан дүүргийн цагдаагийн хэлтэст шилжүүлсэн байна. 

Г.Алимаа