Өнгөрсөн амралтын өдрүүдэд Тээврийн цагдаагийн албаны Жижүүрийн шуурхай удирдлагын хэлтэс нийт 550 дуудлага мэдээлэл хүлээн авснаас 412 зам тээврийн ослын шинжтэй дуудлага мэдээлэл бүртгэгдсэн байна.
Бүртгэгдсэн зам тээврийн ослын улмаас 11 хүн гэмтэж бэртэж, ноцтой зам тээврийн ослын улмаас нийслэлд нэг, орон нутагт хоёр амь нас хохирсон байна.
Тодруулбал, энэ сарын 14-ний өдөр 16.15 цагийн орчим Архангай аймаг Цахир сум Цахир баг “Солонготын даваа” гэх газар шороон замд Nissan Juke маркийн И жолоочтой автомашин онхолдож, жолооч 34 настай эрэгтэй И, зорчигч 43 настай эрэгтэй М нарын хоёр хүн нас баржээ.
Түүнчлэн энэ сарын 14-ний өдөр 09.00 цагийн орчим Баянзүрх дүүргийн 11 дүгээр хороо Баянзүрхийн товчооны замд Toyota Prius-20 маркийн автомашин онхолдож, жолооч 38 настай, эрэгтэй Г нас барсан байна.
Иймд замын хөдөлгөөнд оролцож буй нийт жолооч нар өөрсдийн болон бусдын аюулгүй байдал, гарч болзошгүй осол хэргээс урьдчилан сэргийлэхийн тулд тээврийн хэрэгслийн бүрэн бүтэн байдал, зам орчны нөхцөл байдалд тохируулан хурдаа тохируулж явахыг анхааруулж байна.
