УИХ-ын дарга Г.Занданшатар төрийн албаны ёсзүй, сахилга хариуцлагын асуудлаар Төрийн албан хаагчидтай уулзлаа.

Энэ үеэр тэрбээр “Монголын төр, төр шиг байхын үндэс нь төрийн алба нь ёзүйтэй, хариуцлагатай, мэргэшсэн байх юм. Төрийн алба хаагчдыг та хувааж үзэх боллоо.  Нэгдүгээрт зомби буюу гавьяа ч байгуулдаггүй, гай болдоггүй нэг хэсэг, хоёрдугаарт, хорлон сүйтгэгчид. Энэ хэсэг бүлэг хоёр их наяд төгрөгийн хохирол учруулсан. Гуравдугаарт, муу гүйцэтгэгчид нар эзэлж байгаа бол сайн гүйцэтгэгч болон ялагч нарын хувь маш бага байна.

Бид 2000 жилийн төрт ёсны уламжлалтай. Төрийн долоон эрдэнийн хамгийн чухал эрдэнэ нь түшмэл гэж зааж иржээ. Өөрөөр хэлбэл, төрийн албан хаагчдаа сонгодог байсан зарчим нь энэ юм. Их хаан танил тал, хамаатан садан гэхгүйгээр түшмэл болгож, дүүгээ дарж байсан. Яг л ийм зарчмаар явж ирсэн.

Төрийн албанд хүн авахдаа танил тал, улс төрийн нам харьяалалгүйгээр ёсзүйн өндөр шаардлагатай, боловсролтой хүнийг авдаг бол Монгол Улс хөгжинө. Дэлхий нийтийн чиг хандлага өөрчлөгдөж байна. Хамгийн чадварлаг хүмүүсийг онлайнаар ажлуулж, цаг зардлаа хэмнэж болохыг дэлхийн улс орнууд туршиж эхэллээ. Мөн хиймэл оюун ухаан нийт боловсон хүчний 50 хувийг цомхотгох чадвартай болно гэж үзэж байна. Тиймээс төрийн албаны дараагийн ололт бол дижитал хувьсгал байх ётсой. Жишжлбэл, Гүрж улсад төрийн бүх үйлчилгээг 10 минутад нэг дороос авдаг. Гэвч манайд хүнд суртал байсаар байна. Тиймээс энэ чиглэл рүү явах ёстой. Төрийн алба зомби бүлгээсээ салах цаг болсон. Үүний тулд Төрийн албаны зөвлөл анхаарч ажиллах ёстой.

Бид Япон, Германы төрийн албаны эрх зүйн хуулийг судалж үзлээ. Ёсзүйн хариуцлага хүлээж байгаа иргэн тэтгэвэрт гарахдаа 36 сарын тэтгэмжээ хасуудах байдлаар хариуцлага хүлээдэг юм байна. Энэ талаар ирэх долоо хоногоос хууль боловсруулж эхэлнэ. Төрийн албанд хоноцын сэтгэлгээгээр ханддаг зүйлийг таслан зогсоох ёстой. Энэ өөрчлөлтийг хийж чадвал төрт ёс бүрэлдэн тогтоход асар их өөрчлөлт авчирна” гэлээ.

Б.Лхам