Монгол Улсын Үндсэн хуульд оруулсан нэмэлт, өөрчлөлтөд орсон хууль тогтоомжийг нийцүүлэх, түүнтэй холбогдуулан авах арга хэмжээний тухай УИХ-ын тогтоолын төслийн эцсийн хэлэлцүүлгийг хийж байна. Хэлэлцэж байгаа асуудалтай холбогдуулан Их хурлын гишүүд дэмжих эсэхээ илэрхийлсэн юм.  

З.Нарантуяа: Их сонин юм ажиглагдаж байна. Их хурал ямар хуулийн төсөл батлах, үзэл баримтлалын хүрээг эндээс шууд зааж өгөх гээд байна. Амьдрал баян. Хууль дороосоо батлагдах ёстой. Ерөнхий хүрээ, жагсаалтаа баталж өгнө үү гэхээс биш ийм зүйлийг оруул, боль гэж нарийвчилж заах юм уу. Энд зааснаас чинь өөр зүйлд амьдрал дээр урган гарч ирвэл яах бэ. Их хурлын тогтоолд тусгагдаагүй асуудал учраас хуульд оруулахгүй гэх юм уу. Учир дутагдалтай зүйл их байна. Ахиж ярилцмаар байна. Эсвэл ийм, хуульд ийм зүйл бичээд ир гэж Засгийн газарт Их хурал захиалга өгөх гэж байгаа юм уу.

Г.Занданшатар: Асуулт байхгүй. Хэлэлцүүлэгт идэвхтэй оролцож бай. Үндсэн хуулийн үзэл баримтлалыг зааж байна шүү дээ. Энэ үзэл баримтлалыг гажуудуулсан хууль баталж болохгүй гэдгийг зааж байгаа юм.

Д.Эрдэнэбат: Хурлын дарга аа, гишүүдийн үгийг бүтэн хэлүүлчих л дээ. Та хурал зохион байгуулж байгаа. Ганцхан таны удирдлагаар хурал явах биш. Үгээ хэлэг. Болохгүй шүү. Тэс хөндлөн юм ярьдаг гишүүд олон бий, яах гээд байгаа юм бэ чи. Гишүүдийн хэлэх үгийг битгий хязгаарлаад бай л даа.

Г.Занданшатар: Үндсэн хууль зөрчиж болохгүй ээ.

Д.Эрдэнэбат: Би цагаа нэмж авна шүү. Үндэсний баялагийн санг байгуулахдаа яах бэ гэдгийг зааж өгөөд хөрөнгийг нь захиран зарцуулах чиг үүргийг Засгийн газар хэрэгжүүлэх гэсэн юм орсон байх юм. Дараагийн хэсэгтээ Үндэсний баялагийн сангийн хөрөнгийг удирдахдаа хараат бусаар, бие даан ажиллана гэж заасан байх юм. Хараат бус, бие даан ажиллаж байгаа санд яахаар Засгийн газарт хяналт тавьж, чиг үүрэг өгөх ёстой юм бэ. Зөрчилтэй юм орж ирсэн байгаа биз дээ. Ирээдүйн өв сангийн тухай хуульд ирээдүйн өв сан хараат бус, бие даан ажиллана гэдгийг байхгүй болгоод Засгийн газар хариуцахаар өөрчилсөн биз дээ, та нар. Одоо ингэж баталгаажуулж байгаа юм уу. Ингэх ямар хэрэгтэй юм бэ. Ирээдүйн өв сан чинь ард түмнийх. Бие дааж, хараат бус байх ёстой гэсэн атлаа Засгийн газар чиглэл өгнө гэхээр авцалдахгүй байгаа биз дээ. Маш буруу томъёолол. Би үүнийг дэмжихгүй. УИХ-ын дарга аа, би дахиад хэлье. Гишүүдэд үг хэлэх боломжийг олго. Олйгож ч болно, ойлгохгүй байж ч болно шүү дээ. Гишүүний эрхийн асуудал шүү.

Г.Занданшатар: Дэгээ барь. Гол асуудлаа ярь.

Г.Эрдэнэ