УИХ-ын болон Эдийн засгийн болон Нийгмийн бодлого, боловсрол, соёл, шинжлэх ухааны байнгын хорооны хамтарсан хуралдаанаар Иргэдийн тэтгэвэр барьцаалсан зээлийн төлбөрийг төрөөс нэг удаа төлөх тухай хуулийн төсөл болон хамт өргөн мэдүүлсэн бусад хуулийн төслүүдийн эцсийн хэлэлцүүлгийг хийлээ.
Ажлын хэсгийн танилцуулгатай холбогдуулан УИХ-ын гишүүн Б.Дэлгэрсайхан, Ц.Цогзолмаа, Д.Дамба-Очир нар нас барсан иргэний тэтгэвэр барьцаалсан зээлийг нийт дүнг нь үл харгалзан чөлөөлөх үү, нэг сая төгрөгтэй тэнцэх дүнтэй үнэт цаасыг эзэмшсэн өндөр настан 2020 оны тавдугаар сарын 21-ний өдрөөс өмнө буюу үнэт цаасыг мөнгөжүүлэхээс өмнө нас барвал тэрхүү үнэт цаас үр хүүхдэд нь өвлөгдөн үлдэх үү гэдгийг лавлаж асуусан юм.
Уг асуултад ажлын хэсгийн ахлагч, УИХ-ын гишүүн Д.Оюунхорол "Нас барсан иргэний тэтгэвэр барьцаалсан зээл 2019 оны арванхоёрдугаар сарын 31-ний өдрөөр үлдэгдэлтэй бол үлдэгдлийн хэмжээнээс үл хамааран чөлөөлнө. Мөн нэг сая төгрөгтэй тэнцэх дүнтэй үнэт цаасыг эзэмшсэн өндөр настан нас барвал тэрхүү үнэт цаас өвлөгдөн үлдэхээр тусгасан" гэлээ.
Ингээд Ажлын хэсгээс танилцуулсан саналын томьёоллуудаар санал хураалт явуулахад хуралдаанд оролцсон гишүүдийн олонх дэмжлээ. Мөн хуулийг 2020 оны нэгдүгээр сарын 10-ны өдрөөс эхлэн дагаж мөрдөх санал олонхын дэмжлэг авлаа.
Г.Эрдэнэ
Сэтгэгдэл (67)