Үндэсний статистикийн хорооноос өнгөрсөн оны аж ахуй нэгж байгууллагын ажиллагсдын сарын дундаж цалинг танилцууллаа.

Нийгмийн даатгалын ерөнхий газрын нийгмийн даатгалын шимтгэл төлөлтийн тайланд 2019 оны гуравдугаар улиралд нийт 41.9 мянган аж ахуйн нэгж, байгууллагын 685.4 мянган ажиллагчид хамрагдсан байна.

Монгол Улсын дундаж цалин 1.166.400 мянган төгрөг байгаа бөгөөд бүлэглэж үзвэл техникч болон туслах дэд мэргэжилтнүүд 1.423.900 төгрөг болж 12 хувиар, суурин төхөөрөмж, машин механизмын операторч, угсрагч 1.365.100 төгрөг буюу 8.1 хувиар, менежерүүд 1.314.300 орчим төгрөг буюу 16.5 хувиар, зэвсэгт хүчний мэргэжилтэн 1.223.400 орчим төгрөг буюу 16.5 хувиар, үйлдвэрлэл, барилга, гар урлал холбогдох ажил үйлчилгээний ажилтан 1.212.800 төгрөгийн дундаж цалинтай байна. Мөн контор, үйлчилгээний ажилтан 1.133.200 мянган төгрөг болж 11.2 хувиар өссөн бол энгийн ажил, мэргэжилтэй иргэдийн цалин 17 хувиар буюу 837.200 төгрөг болжээ.

Түүнчлэн худалдаа, үйлчилгээний ажилтнуудын дундаж цалин 818.000 болж 10 гаруй хувиар, мөн хөдөө аж ахуй, ой, загас, агнуурын ажилтны цалин 21 хувиар өсч 655 мянган төгрөг байна.

Боловсролын байгууллагад ажиллагсдын цалин 20.2 хувиар нэмэгдэж 881.3 мянган төгрөг, эрүүл мэнд болон нийгмийн халамжийн үйл ажиллагаанд ажиллагсдын цалин 17.6 хувиар өсч 974.0 мянган төгрөг болжээ.

Нийт ажиллагчдын 26.2 хувь нь төрийн байгууллагад ажиллаж байгаа бөгөөд 10.9 хувь нь хувьцаат компанид, 3.1 хувь нь төрийн бус байгууллагад, 3.3 хувь нь төрийн өмчит үйлдвэрийн газар, 0.2 хувь нь хоршоонд, 47.4 хувь нь хязгаарлагдмал хувьцаат компанид, үлдсэн 8.9 хувь нь бусад салбарт ажиллаж байна. 

А.Сүх