Улсын Ерөнхий прокурор Б.Жаргалсайхан УИХ-ын гишүүн Н.Номтойбаярын бүрэн эрхийг түдгэлзүүлэх санал хүргүүлсний дагуу УИХ-ын Халдашгүй байдлын дэд хорооны хурал өнөөдөр 09.00 цагт товлогдсон байсан. Гэвч гишүүдийн хэн нь ч ирээгүйн улмаас хурал хойшилсон талаар бид өмнө нь мэдээлсэн.
Тэгвэл тус дэд хороо таван гишүүнтэйгээс хоёр нь буюу УИХ-ын гишүүн Ч.Улаан гадаад томилолттой байгаа бол Д.Лүндээжанцан Австралид болж буй Ази, Номхон далайн орнуудын парламентын XXVIII чуулганд оролцож байгаа аж.
Тиймээс УИХ-ын гишүүн Ц.Нямдорж, Ө.Энхтүвшин, Н.Энхболд нар хуралдаж, дээрх асуудлыг ийнхүү хэлэлцэхээр болсон аж. Учир нь Улсын Ерөнхий прокуророос ирүүлсэн уг саналыг 48 цагийн дотор УИХ-аар шийдэх хуулийн зохицуулалттай юм байна. Тиймээс Халдашгүй байдлын дэд хорооны хуралдаанаас гарсан санал дүгнэлтийг өнөөдрийн чуулганаар багтаж оруулах ёстой. Н.Номтойбаяр гишүүний бүрэн эрхийг түдгэлзүүлэх саналыг энэ сарын 16-нд буюу өчигдөр УИХ-д хүргүүлсэн.
Гэвч дээрх шалтгааны улмаас халдашгүй байдлын дэд хороо хуралдаж чадаагүйн улмаас цаг алдаад байгаа юм. Тиймээс өнөөдөр яаралтай хуралдаж, асуудлыг хэлэлцэж байж энэ долоо хоногийн чуулганаар амжиж оруулна. Гэхдээ дэд хороо хуралдсан ч чуулганаар эл асуудлыг оруулах эсэх нь тодорхой байна. Учир нь УИХ-ын даргаас эхлээд 10-аад гишүүд гадаад болон дотоод томилолттой байгаа юм.
Г.Маргад
Сэтгэгдэл (6)