Улсын Их Хурлын Хууль зүйн байнгын хорооны өнөөдрийн хуралдаанаар Мөнгө угаах терроризмыг санхүүжүүлэхтэй тэмцэх тухай хууль, Нягтлан бодох бүртгэлийн тухай хууль, Санхүүгийн зохицуулах хорооны эрх зүйн байдлын тухай нэмэлт оруулах тухай төслийг чуулганы хуралдаан суусан 45 гишүүдийн олонхийн саналаар баталлаа. Үүний дараа Эрүүгийн хуульд нэмэлт, өөрчлөлт оруулах тухай болон хамт өргөн мэдүүлсэн хуулийн төслүүдийг батлах санал хураалт явуулах үеэргишүүдийн дунд хүчтэй маргаан үүссэн. Тухайлбал, УИХ-ын гишүүн Х.Нямбаатар гурван тэрбум төгрөгөөс дээш ашиг олоод татвараас зугтаасан, татварын байгууллагад мэдэгдээгүй иргэн, ААН-д Эрүүгийн хуулиар торгох арга хэмжээ авах зохицуулалтыг хуульд тусгах ёстой гэж үзэж буй. Үүнийх нь хариуд зарим гишүүд ААН-ийг дарамтлах гэлээ гэж эсэргүүцсэн юм. Тухайлбал,

О.Баасанхүү: Би Х.Нямбаатар гишүүнтэй нэг зүйл дээр санал нэг байгаа. Энэ нь эх орноо урвар, татвар төлөхгүй зайлсхийх юм бол гэмт хэрэг гэж үзэх нь зөв гэж байгаа нь зөв. Эрүүгийн хуулийн 18.3 гэдэг заалт хэвээрээ байгаа шүү дээ. Байгаа заалтын санкцын хүндрүүлээд зорчих эрхийг гурван жилээр хязгаарлана гэж тавьсан. FATF-аас Татварын тухай хууль чинь хөнгөн байна гэдэг зүйл яриагүй шүү. Бид л жинхэн популист хууль батлах гээд ААН-ээ дарамтлах гэж байна.

Нэгэнт Эрүүгийн хуульд тусгасан зүйлийг хүндрүүлэх юм бол нөгөө хонгил чинь болно шүү. Олон хүний уйлж байхыг, зовж байхыг харсан хүн би. Бизнес эрхлээд гэр бүлээ тэжээж, улсдаа татвар төлснийхөө төлөө шоронд орно гэж юу яриад байгаа юм бэ. Таван жил зорчих эрхээ хасуулна гэдэг чинь гэрийн шорон биз дээ. Гэрээсээ гарч чадахгүй хүн чинь бизнес эрхлэх боломжгүй болно. Залуу хүн байж ингэхээ болио Х.Нямбаатар аа" гэлээ. 

Г.Нацаг