Холимог тулаанчдын нэг “The Notorius” Конор МакГрегор нэгдүгээр сарын 19-нд буюу маргааш Лас Вегас хотод зохион байгуулагдах UFC-246-т Cowboy хочит Доналд Сирронегийн эсрэг тулалдах юм.
Тэрбээр саяхан болж өнгөрсөн хэвлэлийн бага хурлын үеэр тулааныхаа тухай ярихдаа “ Энэ тулаан сайн цалингийн чек байх болно. Магадгүй миний холимог тулаанаас олох хамгийн өндөр дүнтэй тулаан байх … Би 80 сая ам.доллар олно гэсэн төлөвлөгөөтэй байгаа” хэмээжээ. Мөн тэрбээр “ Би 35 нас хүрэхдээ тэрбумтан болсон байх болно” гэжээ.
Конор МакГрегор карьерийнхээ турш 25 тулаанд орж 21 ялж, дөрвөн удаа ялагдал хүлээгээд байгаа юм. Гэхдээ 21 ялалтынхаа 18 удаад нь өрсөлдөгчөө хүнд цохилтоор буулган авсан.
Түүний өрсөлдөгч болох Дональд Серронегийн хувьд карьерийнхээ туршид нийт 50 тулаанд орсноос 36 тулаанд нь ялалт, 13 тулаанд нь ялагдаж байсан арвин туршлагатай тулаанч. Тэрээр энэ жилийн сүүлийн хоёр тулаандаа ялагдал хүлээгээд байгаа юм. Зургаадугаар сард Тони Фергусоны эсрэг тулаанд тэрээр эмчийн шаардлагаар ялагдал хүлээсэн бол есдүгээр сард Жастин Гаетжед хүнд цохилтоор ялагдсан байдаг.
Б.Жаргал
Сэтгэгдэл (1)